Өнгөрсөн гурван жилийн хугацаанд Хятад улс ард олондоо дархлаа тогтоохын тулд цаг мөчтэй уралдан ажилласаар ирсэн. Хятад улс цар тахлын дэлхийн хэмжээний таван том давлагааг амжилттай даван туулж, ард түмэн төвтэй бодлого хэрэгжүүлж, ард түмний амь нас эрүүл мэндийг бүхний түрүүнд тавьснаар цар тахлын хамгийн хүнд үед тэрбум 400 сая хүн ардынхаа амь нас эрүүл мэндийг найдвартай хамгаалж чадсан юм. Халдвар тэглэх бодлогыг тууштай баримталж, халдвар хамгааллын арга туршлага маань улам боловсронгуй болж, халдвартай тэмцэх эм тариа, багаж хэрэгсэл зохион бүтээх талд байнга дэвшил гаргасаар ирсэн тул коронавирусний олон хувилбарыг амжилттай ялан давж, омог нь дарагдаж эрч нь суларсан омикирон хувилбар руу хүрч ирсэн билээ.
Саяхан өндөрлөсөн ХКН-ын Төв хорооны эдийн засгийн ажлын бага хурлаар тогтолцооны үзэл ойлголтыг баримталж, шулуун шударга байж, шинийг санаачлах хэрэгтэйг онцолж, "Зургаан илүү сайн ерөнхий төлөвлөгөө" дэвшүүлэв.
Худалдаа дэлгүүр супермаркет зэрэг олон нийтийн үйлчилгээний газраар ороход ПСР шинжилгээний сөрөг гэрчилгээг шалгах шаардлагагүй, харин QR код уншуулаад орж болно. Мөн оршин суугчдын хороололд ороход нь ПСР шинжилгээний дүнг шалгахгүй бөгөөд байнгын оршин суугчид QR код ч уншуулах шаардлагагүй. Харин баар ресторан, интернэт кафе, караоке, саун зэрэг битүү газар, мөн ахмад настан, хүүхдийн асрамжийн газар, цэцэрлэг, бага, дунд сургууль, эмнэлэгт 48 цагийн дотор хийлгэсэн ПСР шинжилгээтэй бол чөлөөтэй нэвтэрч болох юм байна. Үүнээс гадна чухал байгууллага нэгжүүд болон томоохон үйл ажиллагаа явуулахад ПСР шинжилгээний дүнг үзэх шаардлагатай байна.
Хятадын олон муж хотод ахмад настан, хүүхдийн асрамжийн газар, бага дунд сургууль зэрэг байгууллага нэгжийн ажил төрлийн үр бүтээмжийг сайжруулах үүднээс ПСР шинжилгээний хариуг шалгахгүй хэмээн тогтоожээ. Түүнчлэн одоогийн байгаа ПСР шинжилгээний цэгийг өөрчлөхгүй хэвээр байлгаж, тодорхой цагийн хуваарийн дагуу шаардлагатай хүмүүст хэвийн журмаар үйлчлэх юм байна.
Бид халдвар хамгаалалтын дэглэмээ сайн сахиж гэр орон, орчин тойрныхоо хүмүүсийн эрүүл мэндэд хариуцах үүрэг хариуцлага ухамсраа дээшлүүлэх хэрэгтэй.
