Хятад улс саяхан цар тахлын бодлогоо сулруулснаар алдагдаад байсан эдийн засаг эргэн сэргэх замдаа орлоо. Удахгүй цагаан сар болохтой зэрэгцэн аялал жуулчлал хөгжиж, хүмүүсийн амьдрал буцалж эхэллээ.

Хятад улс ард түмэн, амь насыг дээдлэхийг ямагт баримтлан, шинжлэх ухааны үндэслэлтэй, оновчтойгоор цар тахлаас сэргийлэн хянаж, бодит нөхцөл байдлын дагуу цар тахлаас сэргийлэн хянах арга хэмжээгээ улам сайжруулан зохицуулалт оруулсан тул ард түмний амь насны аюулгүй байдал, биеийн эрүүл мэндийг бүх боломжоороо хамгаалан, амьдрал өрнөн буцалсан эрч хүчтэй өнөөгийн төлөв байдлыг авчирч чадсан юм.

Хятад улс цар тахлаас сэргийлэн хянах бодлогодоо зохицуулалт оруулсны дараа үр дүн нь ямар байгаа гэдгийг гаднынхан их анхаарч байна. Шинэ он гарч Бээжин, Шанхай зэрэг Хятад улсын төлөөлөх чанартай хотуудад амьдралын эрч сэргэн нэмэгдсээр байгааг Хятад улсын эерэг сэргэлтийн чухал дохио хэмээн үзэж байна. Саяхан шинэ онд шилжих шөнө Шанхай хотын төв дэх Наньжин замын өргөн чөлөөнд хүмүүсийн хөл хөдөлгөөн болон машин унааны урсгалыг тусгайлан хянан зохицуулжээ. Хятадын олон газарт хүмүүс хойд нутгуудаар цасанд гулгаж, өмнөд нутгуудад саунд амарч, нэр нөлөө бүхий гуанз рестораны гадаа урт дараалал үүсэж, үзэмжит бүсийн гэрлийн шоу хотын шөнийн тэнгэрийг чимэн амьдрал буцалсан эрч хүч хаврын дулааныг мэдрүүлж байна.

2023 оны шинэ жил Дорнын сар шинийн баяр болох гэж буйтай холбоотойгоор хүмүүсийн шилжилт хөдөлгөөн ихсэхийн хэрээр гарч мэдэх янз бүрийн эрсдэлээс урьдчилан сэргийлэхээр Засгийн газрын холбогдох салбарууд цаг нартай уралдан ажиллаж байна. Тухайлбал: Эм эмнэлгийн үйлчилгээ, эмч сувилагчдын орон тоо, эм бэлдмэл, эд барааны нийлүүлэлт нөөц, зам харилцаа, логистик тээвэр зэрэг олон салбарт бэлтгэлийг идэвхтэй хийж байна. Өдгөө Хятад даяар хүмүүсийн сэтгэл санаа тайван тогтуун, нийгмийн дэг журам хэвийн байна.