Хэдхэн хоногийн өмнө гадаад худалдааны аж ахуйн нэгжүүдийн ажил, үйлдвэрлэл сэргэснээр олон улсын захиалгын тээвэрлэлтийн эрэлт хэрэгцээ улам нэмэгдэж, Хятад-Европ галт тэрэгний тээвэрлэлт "түргэвчилсэн гүйлтийн" горимд шилжээд байна. Хятад, Казахстаны уулзвар дахь Хоргос боомт нь Хятад улсын хувьд баруун тийшээ нээгдэх чухал боомт бөгөөд өнөөдрийн байдлаар Хятад-Европыг холбосон Төмөр замын 76 шугам ажиллаж, 200 гаруй нэр төрлийн бараа ачиж байна. 2023 оны 01-р сараас хойш Хятадад үйлдвэрлэсэн өдөр тутмын хэрэгцээний бараа, машин, тоног төхөөрөмж болон бусад бүтээгдэхүүнүүд Хоргос боомтоос Төв Ази, Европын зах зээлд гарахыг сонгох болсон. Хоргос боомт гаалийн бүрдүүлэлтийн ажлыг хөнгөвчлөх зорилгоор орж ирж буй галт тэргийг үтэр түргэн нэвтрүүлэх арга хэмжээг хэрэгжүүлсэн. Ачааны галт тэргийг гаалиар “тэг хүлээлттэй” нэвтрүүлж, 24 цагийн турш ажлын хуваартай байж чадлаа. Тээврийн хэрэгслийн хяналтын ухаалаг системд тулгуурлан үзлэг шалгалтын хугацааг тасралтгүй богиносгож, хяналт шалгалтын үр дүнг нэмэгдүүлжээ. Хяналт шалгалтын байдал 40 орчим хувиар сайжирч, Хятад-Европын галт тэрэгний урсгалыг үр дүнтэйгээр хангаж байна.