Хятад, Монголын хэвлэл мэдээллийнхний хамтарсан сурвалжилгын баг Таван уулын бүсийн экологийн орчны хамгаалалтын үлгэр жишээ бүсэд 06-р сарын 30-ны өдөр очиж ажиллав.
Таван уулын бүс /Жюнь Шань, Жянь Шань, Лан Шань, Ма Ань Шань, Хуан Ни Шань таван уул/ нь хойд талаараа Наньтун хот, өмнөд талаараа Хөхмөрөний голын зэргэлдээ оршдог. Голын дагуу нийт 14 км орчим эргийн шугамтай. Түүхэнд уг бүс нутаг нь хуучин боомтын бүс, аж үйлдвэрийн парк, оршин суугчдын хороолол, байгалийн үзэмжийн бүс зэрэг олон чадавхтай бүс нутаг байсан учир бохирдлын асуудал хурцаар тавигдсаар иржээ. 2016 оноос хойш Наньтун хотын Намын хороо, Засгийн газар ерөнхий нарийн бичгийн дарга Ши Жиньпиний Хөхмөрөний эдийн засгийн бүсийн хөгжлийг ахиулах чухал зааварчилгааг сайтар хэрэгжүүлэн, "Байгаль орчныг хамгаалахыг эдийн засгийн бүтээн байгуулалтаас чухалд үзэх” гэсэн зарчмын дагуу Таван уулын бүсийн экологийн нөхөн сэргээлтийн ажлыг бүх талаар эхлүүлжээ. Үүнд: Бохирдол ихтэй 203 аж ахуйн нэгж болон төрөл бүрийн 162 жижиг завь /айл/-ны үйл ажиллагааг зогсоож, 65000 хавтгай дөрвөлжин метр талбай бүхий хууль бус барилгыг нураасан байна. Мөн гол дагуух боомтуудын ачаа тээвэрлэх үйл ажиллагааг зогсоож, 12 км голын эргийн шугамыг сэргээн засаж, шинээр нэмэгдсэн ойн талбайн хэмжээ 6 хавтгай дөрвөлжин километр болж, ойн бүрхэвч 80 гаруй хувьд хүрсэн байна. 2018 онд Ланшань үндэсний ойн цэцэрлэгт хүрээлэн байгуулагдав.
2020 оны 11-р сарын 12-ны өдөр ерөнхий нарийн бичгийн дарга Ши Жиньпин Таван уулын бүсэд ажиллаж, Наньтун хотын экологийн ногоон коридор байгуулсан туршлагыг өндрөөр үнэлж, Бинжяны байгаль орчны хамгаалалтын байдлыг магтан сайшаасан байна. Наньтун хот Таван уулын бүсэд дарга Ши Жиньпиний экологийн соёл иргэншлийн үзэл санааны бодит дүр төрхөөр харуулсан боловсролын баазыг байгуулж, экологийн үнэ цэнийг гүнзгий судлахад хичээсэн байна. Энэхүү баазад Таван уулын бүсийн байгалийн шинжлэх ухааны музей, Юйлөү, Жүншань цаг уурын ажиглалтын газар зэрэг сэдэвчилсэн үзэсгэлэнгийн танхимууд зохицуулж, Хөхмөрөнийг хамгаалах сэдэвт үзэсгэлэн, дөрвөн улирлын цэцгийн үзэсгэлэн, соёлын аялал жуулчлалын наадам зэрэг 120 гаруй арга хэмжээ зохион байгуулж, 7 сая орчим хотын иргэд болон жуулчдыг хүлээн авчээ. Үүний зэрэгцээ Таван уулын бүс орчмын экологийн нөхөн сэргээлтийг жишиг болгон авч, гол болон эрэг дагуух 446.8 километр урттай экологийн ландшафтын бүсийг өндөр стандартын дагуу барьж байгуулж байна. Энэхүү экологийн ландшафтын бүсийг 2023 оны эцэс гэхэд байгуулж дуусахаар төлөвлөж байгаа бөгөөд Наньтун хотын бас нэгэн нэрийн хуудас болж хөгжих нь гарцаагүй юм.
