Пакистаны төв банк өчигдөр Хятад, Пакистаны эдийн засгийн коридор эхлүүлсний 10 жилийн ойд зориулсан дурсгалын мөнгөн зоос гаргахаа 08-р сарын 10-ны өдөр мэдэгдлээ.
Энэ 10 жилд эдийн засгийн коридор нь Пакистаны дэд бүтцийн бүтээн байгуулалт, эдийн засгийн хөгжилд асар их хувь нэмэр орууллаа. Түүхт ойг дурсгахын тулд Пакистаны засгийн газар 100 рупий бүхий дурсгалын мөнгөн зоос хэвлэхээр шийдвэрлэсэн. Олон нийт өнөөдөр 11-нээс эхлэн Пакистаны төв банкны үйлчилгээний компаний лангуунаас дурсгалын зоосыг сольж авч болно гэж төв банк мэдэгдэв.
Дурсгалын зоосыг 3:1 харьцаа бүхий зэс никелийн хайлшаар цутгажээ. Диаметр нь 30 мм бөгөөд  13.5 грамм жинтэй байна. Дурсгалын зоосон дээр “Хятад, Пакистаны эдийн засгийн коридорын 10 жилд баяр хүргэе” гэсэн үгсийг англиар бичиж, ар талд нь “Хэтийн төлөв бодитоор биелэв”  гэсэн үгсийг мөн англиар бичиж, түүнчлэн “Хятад, Пакистаны эдийн засгийн коридор” гэж урду, ханз, англи үсгээр товойлгон сийлжээ.
  Хятад, Пакистаны эдийн засгийн коридор бол “Бүс ба зам”-ын анх туршин хэрэгжүүлсэн чухал төсөл юм. 2013 онд эхлүүлснээс хойш Хятад улс болон Пакистан нь хамтдаа зөвшилцөх, хамтдаа бүтээн байгуулах, хамтдаа хуваалцах зарчмаар коридорын бүтээн байгуулалтыг урагш ахиулж, эхний шатны багц үр бүтээмжид хүрч, Пакистаны эдийн засаг нийгмийн хөгжилд шинэ хөдөлгөх хүч нэмэрлэн, бүс нутгийн дэд бүтцийн түншлэл, интегралчлалын үйл явцад маш сайн суурийг тавьсан байна.