Тайландын ерөнхий сайд Прают Чан-Оча 08-р сарын 17-ны өдөр Хятад-Тайландын төмөр замын бүтээн байгуулалтын хэсгийг шалгаж, Тайландын төмөр замын хүчин чадлыг дээшлүүлэхэд Хятад улс дэмжлэг үзүүлсэнд талархал илэрхийлэв.

   Тайландын ерөнхий сайдын ажлын албаны орлогч дарга Дайсури ерөнхий сайд Прают Чан-Оча хэлсэн үгийг иш татан "Хятад улсаас үзүүлж буй дэмжлэг нь хоёр орны хамтын ажиллагааг хэрэгжүүлэх боломжийг хангасан бөгөөд энэ нь Тайландын төмөр замын тээврийн үр өгөөжийг дээшлүүлж, Тайландын үндэсний хүчин чадлыг хөгжүүлэхэд түлхэц болно" гэв.

   Засгийн газар төмөр замын сүлжээг урагшлуулж, зорчигч, ачаа тээврийн үр ашгийг дээд зэргээр нэмэгдүүлэх шийдвэр төгс байгаа талаар Прают Чан-Оча онцлон тэмдэглэжээ.

   Прают Чан-Оча хэлэхдээ "Бүс нутгийн уялдаа холбоог түргэн шуурхай, аюулгүй болгох нь эдийн засаг, худалдаа, хөрөнгө оруулалт, хөдөө аж ахуй, аж үйлдвэр, аялал жуулчлал зэрэг янз бүрийн салбарын хөгжлийг үр дүнтэй дэмжиж, улмаар оршин суугчдын амьдралын чанарыг сайжруулна" гэжээ.

   Дайсури хэлэхдээ "Тайланд улс Хятад-Тайландын төмөр замын бүтээн байгуулалтыг эрчимжүүлж байна. “Бүс ба зам” санаачилгын хүрээнд Хятад, Тайландыгн төвөр замыг Лаосоор дамжуулан холбосон Хятад-Тайланд хоёр улс нь Тайландын зүүн хойд хэсгийн хүн ам, бараа бүтээгдэхүүний хөдөлгөөний хэрэгцээг хангахад тусална" гэв.