Энэ жил "Бүс ба зам" санаачилгыг дэвшүүлсэн 10 жилийн ой тохиож байна. Хөххотын гаалийн статистик мэдээгээр 2013 оноос 2023 оны 06-р сар хүртэл Өвөр Монгол “Бүс ба зам” дагуух улс орнуудын гадаад худалдааны импорт экспортын өртөг 690 тэрбум 210 сая юаньд хүрч, мөн хугацаан дахь Өвөр монголын гадаад худалдааны импорт, экспортын нийт үнийн 62.9 хувийг эзэлж байна. Үүнээс экспорт 234 тэрбум 180 сая юань, импорт 456 тэрбум 30 сая юань байна.

10 жилийн хугацаанд Өвөр Монгол “Бүс ба зам” санаачилгад идэвхтэй оролцож эдийн засаг, худалдааны солилцоо, хамтын ажиллагааг үргэлжлэн гүнзгийрүүлж, “Найз нөхдийн хүрээ”-г тасралтгүй өргөжүүлж, 64 зам дагуу улс оронтой худалдаа хийсэн байна. Үүнээс Монгол Улстай хийсэн импорт, экспортын хэмжээ 316 тэрбум 280 сая юаньд хүрч 15 хувиар өссөн бол ОХУ-тай хийсэн импорт, экспорт 199 тэрбум 580 сая юаньд хүрч 5.1 хувиар өсжээ. 

Энэ нь Өвөр Монголын “Бүс ба зам” дагуух улс орнуудын гадаад худалдааны бүх импорт экспортын өртгийн 74.7 хувийг эзэлж байна. Мөн хугацаанд Төв Азийн Узбекистан, Казахстан, Туркменистан, Ойрхи Дорнодын Саудын Араб, Ирак, Турк, Зүүн Өмнөд Азийн Малайз, Индонезийн гадаад худалдаа хурдацтай өсжээ.