2023 оны Хятадын /Эрээн хот/ Олон улсын эдийн засаг, худалдааны хөрөнгө оруулалтын үзэсгэлэн Эрээн хотод зохион байгуулагдаж байна.
Өнөөдөр буюу 08 сарын 31-ний үдээс өмнө уг чуулга уулзалтын үр дүнг танилцуулах хэвлэлийн бага хурал хийж, ХКН-ын Эрээн хотын хорооны байнгын гишүүн, засаг даргын орлогч Жан Инже дэлгэрэнгүй мэдээлэл өгчээ.
Тэрээр:
- Энэхүү удаагийн чуулга уулзалтын цар хүрээ, оролцсон хүний тоо нь бүр өмнөх хэдэн удаагийн чуулга уулзалтаас даваад байна. Дотоодын болон олон улсын 400 байгууллагын нийт 500 гаруй ажилтнууд оролцож, Хятад, Монгол, Орос, Пакистан зэрэг 9 улс, бүс нутгийн 400 аж ахуйн нэгжийг татан оролцуулсан бөгөөд үзэсгэлэнд оролцогчдын тоо 2000 гаруй хүнд хүрсэн байна. Хятад, Монгол, Орос хөрш гурван улсын компаниуд дэд бүтцийн бүтээн байгуулалт, тоног төхөөрөмж үйлдвэрлэх, импортын бараа бүтээгдэхүүний боловсруулалт, цахим худалдаа зэрэг чиглэлээр 16.3 тэрбум юанийн үнийн дүнтэй 22 төсөл, гэрээ хэлэлцээрт гарын үсэг зурсан гэж танилцууллаа.
