Жан Янькунь Хятад-Монголын дөрөв дэх удаагийн экспод оролцохоор ирсэн Монгол Улсын шадар сайд С.Амарсайхан нарыг Хөххотод угтан авч баяр талархал илэрхийлэв. Тэрээр:

- Хятад, Монгол хоёр улс уул, усаараа хаяа нийлсэн найрсаг хөршүүд бөгөөд Өвөр Монгол орон Хятад, Монголын найрсаг, хамтын харилцааг хөгжүүлэхэд онцгой байр суурь, үүрэг гүйцэтгэдэг. Хоёр тал цаашид Хятад-Монголын экспог хамтран зохион байгуулж, соёл иргэншлийн хоорондын солилцоог гүнзгийрүүлэн, уялдаа холбоог бэхжүүлэх, хил дамнасан эдийн засгийн хамтын ажиллагааны бүс байгуулах ажлыг эрчимжүүлж, экологийн орчныг хамгаалах, хил дамнасан аялал жуулчлал, уул уурхайн баялаг, шинэ эрчим хүчний салбарт хамтран ажиллах, харилцан ашигтай, хожлын үр дүнд тулгуурлан солилцоо, хамтын ажиллагааны шинэ бүлгийг бичнэ гэдэгт найдаж байна гэж хэлэв.

С.Амарсайхан Хятад-Монголын дөрөв дэх удаагийн экспог зохион байгуулахад хүчин чармайлт гаргасанд нь Өвөр Монголын талд талархал илэрхийлээд, тэрээр:

- Монгол, Хятадын хооронд сайн хөршийн болон найрсаг хамтын ажиллагаанд Монгол Улс ихээхэн анхаарч, Хятад улстай боомтын дэд бүтцийн бүтээн байгуулалтыг бэхжүүлэх, хоёр талын худалдааг өргөжүүлэх, соёл иргэншил хоорондын солилцоог өргөжүүлэх, цаашлаад цөлжилтийг хянах, гамшгаас урьдчилан сэргийлэх, бууруулах, сэргээгдэх эрчим хүчний хөгжил, ашиглалтад хамтын ажиллагаагаа гүнзгийрүүлэн хөгжүүлэхийн төлөө ажиллана гэдэгт найдаж байна. Бид хоёр улсын төрийн тэргүүн нарын зөвшилцлийг хэрэгжүүлэх, Хятадын бизнес эрхлэгчдийн Монгол Улсад хөгжих бизнесийн таатай орчныг бүрдүүлэх, хоёр орны солилцоо, хамтын ажиллагааны шинэ нөхцөл байдлыг тасралтгүй бий болгохыг эрмэлзэнэ гэж хэллээ.