"Бүс ба зам" санаачилга сүүлийн 10 жилд олон улсын тавцанд өөрчлөлтийн чухал үүрэг гүйцэтгэж, олон талт үзлийг дэлхий дахинд урьд өмнө хэзээ ч байгаагүйгээр авчирч, хөгжиж буй орнуудын нөхцөл байдалд илүү таатай орчин бүрдүүлэв. “Бүс ба зам” санаачилга ямар ч асуудал, зөрчилдөөн дагуулаагүй бөгөөд энэ санаачилга нь харилцаа холбоо, асуудлыг тайван замаар шийдвэрлэхэд чухал хувь нэмэр оруулсан юм.
Өнөөдөр Хятад улс дэлхийн 150 гаруй улс, 30 гаруй олон улсын байгууллагатай "Бүс ба зам"-ын хамтын бүтээн байгуулалтын 200 гаруй хамтын ажиллагааны баримт бичигт гарын үсэг зурж, дэлхийн эдийн засгийн удирдлагын тогтолцоог боловсронгуй болгоход тус дөхөм үзүүлэх, хүн төрөлхтний хувь заяаны нэгдмэл цогцыг байгуулах чухал тавцан болсон байна. Хятад-Европ чиглэлийн 8641 ачааны галт тэрэг ажиллуулж, 936 мянган чингэлэг ачаа бараа тээвэрлэсэн нь өнгөрсөн оны мөн үеэс 16, 30 хувиар тус бүр өсжээ.
Дэлхий нийт шинэ вирус, уур амьсгалын өөрчлөлт, хүрээлэн буй орчны бохирдол, хүнсний хямрал зэрэг сорилтуудтай тулгарч байна. Эдгээр олон сорилтуудын өмнө ямар ч улс ганцаараа зогсож чадахгүй. "Бүс ба зам" санаачилга, Дэлхийн хөгжлийн санаачилга зэрэг НҮБ-ын Тогтвортой хөгжлийн зорилтуудын хүрээнд эв нэгдэж, хамтран ажиллах нь сорилт бэрхшээлийг даван туулах бидний хамгийн хүчтэй зэвсэг юм. Ийм учраас Хятад улс дэлхий дахинд чухал төдийгүй дэлхий дахин ч Хятад улсад нэн хамаатай юм. Хятад улс зөвшилцөн хамтран бүтээн байгуулж, хуваалцах зарчмаа үргэлжлэн баримталж, нээлттэй, ногоон, цэвэр засаглалын үзэл баримтлалаар өндөр стандарт хангасан, тогтвортой, иргэдэд хүртээмжтэй байлгах зорилгоор “Бүс ба зам”-ыг хамтдаа бүтээн байгуулж, шинэ амжилтад хүргэхээр хичээн зүтгэнэ.
"Бүс ба зам"-ын хамтын бүтээн байгуулалтыг улсын болон бүс нутгийн томоохон стратеги, бүс нутгийн зохицуулалттай хөгжлийн стратегитай гүнзгий уялдуулах ажлыг эрчимжүүлж, дотоод болон олон улсын эргэлтийг жигд явуулахад хүчтэй дэмжлэг үзүүлэх шаардлагатай байна. Бүх бүс нутаг, хэлтэс, нэгжүүд ерөнхий төлөвлөлт, уялдаа холбоог бэхжүүлж, ажлын уялдаа холбоог бүрдүүлж, төрөл бүрийн ажлыг эмх цэгцтэй ахиулж, үр дүнтэй хэрэгжүүлэхийг хангах ёстой.
