Торгоны замын олон улсын урлагийн 9-р наадам 15-ны орой Шааньши мужийн Шянь хотод нээгдэв. Ирэх 14 хоногт уг урлагийн наадамд 90 гаруй улс орон, бүс нутгийн уран бүтээл, Хятадын 9 муж /өөртөө засах орон, хот/ уран бүтээлийг толилуулах болно.
"Торгоны замаар холбогдсон гэгээн саруул ирээдүй" сэдэвтэй энэхүү урлагийн наадам нь нээлтийн болон хаалтын ёслол, соёл урлагийн тоглолт, уран зургийн үзэсгэлэн, тойрон тоглолт, онлайн үзэсгэлэн, тусгай арга хэмжээ гэсэн зургаан үйл ажиллагааг зохион байгуулна гэж ойлгож байна. Мөн дотоодын болон гадаадын уран бүтээлчид 37 тайзны урлагийн уран бүтээлээс гадна үзэсгэлэнт бүс,хороолол,соёлын төв гэх мэт газарт тоглох болно.
Хятадын Соёл, аялал жуулчлалын яам, Шааньши мужийн Ардын засгийн газраас зохион байгуулж буй Торгоны замын олон улсын урлагийн наадам 2014 оноос хойш 8 удаа амжилттай зохион байгуулж байна. Өнөөдөр хүртэл,уг арга хэмжээ нийт 120 гаруй улс орон, бүс нутгийг татан оролцуулж, гадаадад дотоодын 34 сая гаруй иргэд үр өгөөжийг нь хүртэн, "Бүс ба зам"- ын хүрээн дэх иргэдийн солилцооны чухал гүүр болсон байна.
