Хятадын төрийн зөвлөлийн ерөнхий сайд Ли Чян 10-р сарын 16-ны өдөр Ардын хурлын их танхимд “Бүс ба зам” олон улсын хамтын ажиллагааны дээд хэмжээний 3-р чуулга уулзалтад оролцохоор Хятадад хүрэлцэн ирсэн бөгөөд мөн Хятадад албан ёсны айлчлал хийж буй Унгарын Ерөнхий сайд Орбантай яриа хэлэлцээ хийв.

        Ли Чян хэлэхдээ, Сүүлийн жилүүдэд Ши Жиньпин дарга, Ерөнхий сайд Орбан нарын стратегийн удирдлага дор Хятад, Унгарын харилцан ашигтай хамтын ажиллагаа үр дүнд хүрч, олон улсын харилцааны шинэ төрлийг бий болгох үлгэр жишээ болгожээ. Хятад улс Унгартай хамтран хоёр орны удирдагчдын чухал зөвшилцлийг бодит үйл хэрэг болгон хувируулахад бэлэн байна. Мөн бие биенээ дэмждэг, хөгжил, дэвшилд хамт яваа нөхөд, бие биенээ сайн мэддэг сайн түншүүд байж, хоёр ард түмэнд илүү сайн ашиг тусыг өгөхийн төлөө жинхэнэ анд нөхөд байх болно. Хятад улс Унгартай улс төрийн харилцан итгэлцлийн бат бөх суурийг тавьж, бие биенийхээ эрх мэдэл, аюулгүй байдал, хөгжлийн ашиг сонирхлыг тууштай дэмжихэд бэлэн байна гэв.

        Орбан хэлэхдээ, Унгар-Хятадын харилцаа гүнзгий суурьтай. Унгар улс нэг Хятадын зарчмыг ямагт баримталж, Цаашид Хятадтай найрсаг бодлого баримталж, "Бүс ба зам"-ын хамтын бүтээн байгуулалтад идэвхтэй оролцож, уялдаа холбоо, нээлттэй байдал, хамтын ажиллагааг дэмжинэ. Унгарын тал ирэх онд хоёр орны хооронд дипломат харилцаа тогтоосны 75 жилийн ойг тохиолдуулан Хятадын талтай хамтын ажиллагаа гүнзгийрүүлэх хүсэлтэй байна гэв.

        Яриа хэлэлцээний дараа хоёр орны Ерөнхий сайд нар "Бүс ба зам"-ын байгуулалт, аж үйлдвэр, хөрөнгө оруулалт, аж үйлдвэр ба мэдээлэлжүүлэлт, боловсрол, хилийн боомт, нийлүүлэлтийн хэлхээ, хөгжлийн бодлого, дижитал эдийн засаг, ногоон хөгжил гэх мэт хоёр талын хамтын ажиллагааны хэд хэдэн баримт бичигт гарын үсэг зурахыг нүдээрээ үзжээ.