Хятад улсын дарга Ши Жиньпин 10-р сарын 17-ны өдөр АИХ-ын ордонд "Бүс ба Зам" олон улсын хамтын ажиллагааны дээд хэмжээний 3 дахь чуулга уулзалтад оролцож, Хятадад албан ёсны айлчлал хийх Этиопын ерөнхий сайд Аби Ахмед Алийг хүлээн авлаа.

Ши Жиньпин хэлэхдээ,Өнгөрсөн 10 жилд Хятад, Этиоп улс "Бүс ба Зам"-ын хүрээнд өргөн хүрээнд нягт хамтарч, Хятад, Африкийн хамтын ажиллагааны тэргүүн эгнээнд явж ирлээ. Олон улсын байдал, дотоодын нөхцөл өөрчлөгдсөн ч Хятад, Этиопын харилцааг стратегийн түншлэлийн харилцаа болгож дээшлүүлэхийг би санал болгож байна. Хоёр тал найрамдал, итгэлцлээ бататгаж, ажил хэрэгч харилцаагаа гүнзгийрүүлэн, хамтдаа хөгжиж, хамтаар хожих өнө мөнхийн сайн найз, өмнөд-өмнөдийн эв нэгдэл, хамтын ажиллагааг дэмжигч, олон улсын шударга ёсыг сахин хамгаалагч байх ёстой. "Бүс ба Зам" олон улсын хамтын ажиллагааны дээд хэмжээний гурав дахь чуулга уулзалтыг боломж болгож, Этиоп улстай эв нэгдэл, хамтын ажиллагаагаа бэхжүүлэхэд Хятад улс бэлэн байна гэжээ.

Аби Ахмед Али хэлэхдээ, Бээжин илүү цэвэрхэн, илүү үзэсгэлэнтэй, ард түмэн нь илүү аз жаргалтай байгааг миний айлчлал олж мэдсэн юм. Энэ нь сүүлийн жилүүдэд Хятадын засгийн газрын их хүчин чармайлт, ололт амжилтыг харуулж байна. Хятад улс Этиопын чухал түнш бөгөөд Хятадын хөрөнгө оруулалт, хамтын ажиллагаа, ялангуяа "Бүс ба зам"-ыг хамтран байгуулахад хамтран ажиллах нь Этиопын эдийн засаг, нийгмийн хөгжлийг үр дүнтэй дэмжсэн юм. Этиопын Хятадтай харилцах харилцаа зөв зам дээр байна. Цаашид хоёр улсын харилцааг улам бэхжүүлэх нь Этиоп төдийгүй Өмнөд-Өмнөдийн эв нэгдэлд ихээхэн ач холбогдолтой юм. Ши Жиньпин даргийн санал болгосон Дэлхийн хөгжлийн санаачилга, Дэлхийн аюулгүй байдлын санаачилга, Дэлхийн соёл иргэншлийн санаачилга нь нийтлэг хөгжлийг дэмжихэд тохиромжтой тэгш эрх, нээлттэй байдал, харилцан хүндэтгэлийг харуулдаг гэжээ.