БНХАУ-ын дарга Ши Жиньпин 10-р сарын 17-ны өдөр АИХ-ын ордонд "Бүс ба зам" олон улсын хамтын ажиллагааны дээд хэмжээний 3 дахь чуулга уулзалтад оролцох Казахстаны ерөнхийлөгч Касым Жомарт Токаевтай уулзав.
Ши Жиньпин:
- Хуучин найзтайгаа ахин уулзаж байгаадаа баярлаж, таныг чуулга уулзалтад оролцохоор ирсэнд талархаж байна. Эрүүл, тогтвортой, эрч хүчтэй Хятад-Казахстаны харилцаа нь хоёр орны хөгжил дэвшил, сэргэн мандалд төдийгүй бүс нутгийн энх тайван, тогтвортой байдлыг хадгалахад тустай юм. Олон улсын байдал хэрхэн өөрчлөгдсөн ч Хятад, Казахстан улс бие биедээ туслан, найрсаг хөршийн үзэл баримтлалаа үеийн үед уламжилж, хоёр орны өнө бат иж бүрэн стратегийн түншлэлийн харилцааг тасралтгүй хөгжүүлэх болно" гэж онцлоод цааш нь өгүүл эхдээ, "Арван жилийн өмнө би Казахстанд “Торгоны замын эдийн засгийн бүс” хамтран байгуулах санаачилга анх дэвшүүлж байв. Хоёр тал хамтын ажиллагаагаа эрчимжүүлж, "Бүс ба зам"-ын хамтын бүтээн байгуулалтыг дэмжиж, сайн үр дүнд хүрч, хоёр орны ард түмэнд илүү их үр өгөөжөө өгөх ёстой гэж хэллээ.
