Хятадын төрийн зөвлөлийн ерөнхий сайд Ли Чян 10-р сарын 17-ны өдөр "Бүс ба Зам" олон улсын хамтын ажиллагааны дээд хэмжээний 3 дахь чуулга уулзалтад оролцохоор хүрэлцэн ирсэн Казахстаны Ерөнхийлөгч Токаевтай уулзав.

        Ли Чян:

- Хятад, Казахстаны найрамдалт харилцаа урт удаан түүхтэй. Сүүлийн жилүүдэд хоёр улсын төрийн тэргүүний стратегийн удирдлага дор Хятад-Казахстаны харилцаа хурдан хөгжиж байна. Хятад улс Хоёр улсын төрийн тэргүүнүүдийн Казахстантай байгуулсан зөвшилцлийг хэрэгжүүлж, цаашид улс төрийн харилцан дэмжлэгийг нэмэгдүүлэх, уламжлалт найрсаг харилцааг үргэлжлүүлэх, харилцан ашигтай хамтын ажиллагааг гүнзгийрүүлэх, тус тусын хөгжил, сэргэлтийн замаар мөр зэрэгцэн урагшлах хүсэлтэй байна гэж хэлэв.

        Токаев:

- Казахстан нь Хятадын найдвартай анд, түнш юм. Хятадын онцлогтой социализмын бүтээн байгуулалтад гаргасан гайхалтай амжилтыг Казахстан өндөр үнэлж, дэлхийн эдийн засгийн тогтвортой өсөлтийг дэмжихэд Хятадын чухал үүргийг өндрөөр үнэлж байна. Казахстан үндсэн эрх ашгаа хамгаалахад Хятадыг тууштай дэмжиж, Ши Жиньпингийн санал болгосон “Бүс ба Зам” санаачилгыг бүрэн дэмжиж, идэвхтэй оролцож, бид Хятад улстай эрчим хүч, эдийн засаг, худалдаа, хөрөнгө оруулалт, хөдөө аж ахуй, шинжлэх ухаан, технологи зэрэг салбарт хамтын ажиллагаагаа гүнзгийрүүлж, Казахстан, Хятадын байнгын иж бүрэн стратегийн түншлэлийн харилцааг шинэ түвшинд хүргэхэд бэлэн байна гэж хэллээ.