Дарга Ши Жиньпин 10-р сарын 18-ны орой "Бүс ба зам" олон улсын хамтын ажиллагааны дээд хэмжээний гурав дахь чуулга уулзалтад оролцохоор Хятадад хүрэлцэн ирсэн НҮБ-ын Ерөнхий нарийн бичгийн дарга Антонио Гутерриштай Ардын Их хурлын танхимд уулзав.
Ши Жиньпин дарга:
- Өнөөгийн дэлхий дахинд олон аюул, сорилт тулгарч байна. Олон улсын хамтын нийгэмлэг нэгдэж, хамтран ажиллах, хөгжлийн асуудалд илүү анхаарал хандуулах ёстой. Дэлхий дахинд тулгамдаж буй янз бүрийн асуудлыг шийдвэрлэхийн тулд хамтран ажиллах зөв арга замыг олохын тулд хүн төрөлхтний нийтлэг хувь заяаны хамтын цогцыг бүтээн байгуулахыг би санал болгож байна. “Бүс ба зам” санаачилга, Дэлхийн хөгжлийн санаачилга нь илүү эерэг энергийг хуримтлуулж, бүх улс орны нийтлэг хөгжлийг дэмжин, НҮБ-ын 2030 оны Тогтвортой хөгжлийн хөтөлбөрт хувь нэмрээ оруулахад хувь нэмэр үзүүлж чадахыг хүсэж байна гэж хэллээ.
Мөн Ши Жиньпин онцлохдоо:
- "Бүс ба зам" санаачилгыг дэвшүүлснээс хойш сүүлийн 10 жилд олон бодит үр дүнд хүрсэн байна.“Бүс ба зам” санаачилга нь дэлхий нийтийн сайн сайхан, олон улсын хамтын ажиллагааны түгээмэл индэр боллоо. НҮБ нь "Бүс ба Зам"-ыг хамтран байгуулах чухал түнш юм. Хятад улс НҮБ-тай хамтран “Бүс ба зам” санаачилгыг өндөр чанартай хамтран бүтээн байгуулахыг дэмжиж, дэлхийн энх тайван, хөгжилд хувь нэмрээ оруулахад бэлэн байна гэж хэлэв.
Дарга Ши Жиньпиний санал болгосон “Бүс ба зам” санаачилга нь хөгжиж буй орнуудад тогтвортой хөгжилд хүрэхэд нь туслах маш чухал, үр дүнтэй арга зам мөн байж, Өмнөд-Өмнөдийн хамтын ажиллагааны загварын үлгэр жишээ болсон. "Бүс ба зам" олон улсын хамтын ажиллагааны дээд хэмжээний гурав дахь чуулга уулзалт дээр дарга Ши Жиньпиний зарласан найман үйл ажиллагаа нь НҮБ-ын зорилго, зорилтод бүрэн нийцэж байгаа бөгөөд хөгжиж буй орнуудад хөгжлийнхөө хурдыг нэмэгдүүлэхэд туслахад чухал ач холбогдолтой ажээ гэсэн байна.
