ХКН-ын Төв хорооны Улс төрийн товчооны Байнгын хорооны гишүүн, Сахилга бат шалгалтын төв комиссын нарийн бичгийн дарга Ли Ши 10-р сарын 19-ний өдөр "Бүс ба Зам" олон улсын хамтын ажиллагааны дээд хэмжээний 3 дахь чуулга уулзалтад оролцож буй Монгол Улсын ерөнхийлөгч Ухнаагийн Хүрэлсүхтэй уулзлаа. 

        Ли Ши хэлэхдээ, Монгол Улс "Бүс ба зам"-ыг хамтдаа байгуулахад чухал ач холбогдолтой улс. Сүүлийн жилүүдэд хоёр улсын төрийн тэргүүн нарын удирдлага дор Хятад, Монгол хоёр орны харилцан ашигтай хамтын ажиллагааны олон онцлох үйл явдал болж байна. Форумын нээлтийн ёслол дээр Дарга Ши Жиньпин найман үйлдлийг санал болгож, "Бүс ба Зам"-ын хамтын бүтээн байгуулалтыг чанарын өндөр түвшинд хүргэх зураг төслөө танилцуулаа. Хятад улс Монгол Улсын хамт хоёр улсын төрийн тэргүүн нарын чухал зөвшилцлийг хэрэгжүүлж, Хятад, Монголын хувь заяаны хамтын цогцыг байгуулах чиглэлийн дагуу хоёр талын харилцааны шинэ хөгжлийг дэмжихэд бэлэн байна гэв.

        Ухнаагийн Хүрэлсүх хэлэхдээ, Дарга Ши Жиньпингийн чухал үг дэлхийн хөгжлийг дэмжихэд чухал үүрэг гүйцэтгэнэ. Бид Монгол-Хятадын хөгжлийн стратегийн холботыг бэхжүүлж, хоёр орны иж бүрэн стратегийн түншлэлийн харилцааг гүнзгийрүүлэхэд бэлэн байна гэв.