Умрад хилийн Манжуур хотод алтан наран буман цацрагаа цацруулавч жиндүү хүйтэн цаг агаар хацар нүүрийг чимчигнүүлнэ.
Манжуур хуурай замын боомтын ачаа тээврийн газарт Хэбэй мужаас тээвэрлэж ирсэн хайрцагтай алимуудыг Орос руу экспортлороор ачааны машинд ачиж байгаатай таарч, “жимс ногооны гадаад аялал”-ын бодит байдлыг сурвалжиллаа.
Манжуур гаалийн газрын ажилтан “Өвөл болж, Оросын шинэ жил ойртож байгаатай холбоотой жимс хүнсний ногооын хэрэглээ нэмэгдэж, худалдан авх хүн ихтэй болдог. Ногоо жимсийг шинэ соргогоор нь хүргэдэг ачааны машин 7 хоног “аялан” Санкт-Петербург зэрэг хотуудад Хятадын ногоо жимсийг хүрдэг” гэв.
Хан боргоцой, ногоон чинжүү, сармис болон бусад шинэхэн жимс, хүнсний ногоо ачсан машинууд гаалийн бүрдүүлэлтээ дуусгаад хилээр гарахаар эмх цэгцтэй дугаарлан зогсож байлаа.
Манжуур хотын гаалийн газрын мэдээгээр 2023 оны 01-р сараас 10-р сар хүртэл Манжуур боомтоор 137 мянган тонн жимс, хүнсний ногоо экспортолсон нь өнгөрсөн оны мөн үеэс 91 хувиар нэмэгдэж, 950 сая юаньд хүрч, 79.7 хувийн өсөлттэй байна.
2014 онд Манжуур боомт нь экспорт, импортын үр тариаг хуурай замаар тээвэрлэх анхны боомтуудын нэгээр батлагдсан нь экспорт, импортын үр тарианы аж үйлдвэрийг хөгжүүлэх бодлогын сайн боломжийг авчирч, экспорт, импортын үр тариа боловсруулах, агуулах, логистикийн хэд хэдэн төслийг татахад түлхэц болсон юм. Манжуур боомтод экспорт, импортын болон боловсруулсан үр тарианы үйлдвэрлэлийн нэгдсэн сүлжээ бий болсноор хөдөө аж ахуйн бүтээгдэхүүн экспортлох, импортлох, боловсруулах салбар нь Манжуур хотод аажмаар шинээр гарч ирж буй үйлдвэр болж, эдийн засгийн хөгжилд шинэ эрч хүч нэмсээр байна.
