Хятад, Монголын иж бүрэн стратегийн түншлэлийн харилцааг өндөр түвшинд хүргэнэ. ”Дөрвөн цагийн Үзэмчин” наадам боллоо. Өвөр Монголын Хөлөнбуйрын тал нутгийн соёл, аялал жуулчлалын наадам боллоо. “Алтан холбоо” 2 – Хилийн Мандал боомт Чэндүгийн FISU-ны дэлхийн эрдэм шинжилгээний бага хурал нээгдэв. Ши Жиньпин Сычуань мужид ажиллав. Чэндүгийн Универсиад наадам залуучуудын спортоор дамжуулан дэлхийн эв нэгдлийг ахиуллаа. Ши Жиньпин Баруун бүсийн байлдааны тойргийн агаарын цэргийн хүчний ажилтай танилцлаа. ”Бүс ба зам өчигдөр, өнөөдөр, маргааш” баримтат кино нээлтээ хийлээ. “Найрамдал 70” хүндэтгэлийн тоглолт боллоо. “Монголын мэдээ” 90 нас хүрлээ. Хятад анагаах ухааны соёлыг НҮБ-ын олон улсын ордонд дэлгэв. Шинэ оюутнуудын улсдаа өргөсөн бэлэг ийм байна. Да Шин нисэх онгоцны буудал хүрэх галт тэрэг нэвтэрлээ. БНХАУ байгуулагдсан өдөр цэргийн парад зохион байгуулна. Да Шин олон улсын нисэх онгоцны буудал ашиглалтад оров. Монгол Улс, БНХАУ-ын харилцаа хамгийн сайн үе шатандаа байна. Ш.Эгшиг: Амьд хэлэнд түүхэн хэлний материал ихээр хадгалагдаж байдаг. Баярын жагсаалд15 мянган цэрэг оролцоно. Хөдөө тосгон, хөдөө аж ахуйн салбарт ажиллаж буй ажилчдад мэндчилгээ дэвшүүллээ.

Худалдаа “буцалсан” хилийн боомт

2023 оны 11 сарын 19

Эрээн хотын хилийн боомт нь Хятад, Монгол хоорондох эх газрын хамгийн том боомт бөгөөд “Хятад, Монгол, Оросын эдийн засгийн коридор”-ын чухал зангилаа юм.

Энэ оны 11 дүгээр сарын 11-ний байдлаар автозамын боомтоор нэвтэрсэн ачаа тээврийн машин давхардсан тоогоор 140 мянгыг давж, цар тахлын өмнөх үетэй харьцуулахад бараг гурав дахин өссөн байна.

Өвөр Монголын Эрээн хотын Хао Ган хүнсний цэхэд хүрэхэд ажилчид нь Монгол Улс руу гаргах жимс, ногооны бүтээгдэхүүнийг савлан тун завгүй ажиллаж байлаа. Монгол Улсын жимс, хүнсний ногооны ихэнх нь импортын байдаг бол Хятад, Монголын хоорондох хамгийн том боомтын хувьд Эрээн боомт нь Монгол Улсын жимс, ногооны 80 орчим хувийг хангадаг. Сүүлийн жилүүдэд гаалийн бүрдүүлэлтийн арга хэмжээг төгөлдөржүүлэх, хөдөө аж ахуйн бүтээгдэхүүн нийлүүлэх “ногоон суваг”-ийг ажиллуулах болсноор жимс, ногооны тээвэрлэлтийн үр ашиг илүү өндөр болж байна.

- Манай цэх 2007 онд байгуулагдаж, 2019 онд жимс, хүнсний ногооны экспортын хяналтын бүсээр батлагдсан. “Бүс ба зам” санаачилгыг дурдсанаас хойш манай цэх боомтуудын давуу талд түшиглэн жимс, хүнсний ногоо зэрэг хөдөө аж ахуйн бүтээгдэхүүний импорт, экспортыг идэвхтэй хөгжүүлж ирсэн. Жимс, хүнсний ногооны бүтээгдэхүүнийг хяналт шалгалтад оруулсны дараа Эрээн боомтоор дамжуулан Монгол, ОХУ зэрэг улсын бүс нутгуудад борлуулдаг. Жилийн экспортын хэмжээ 120 мянга орчим тоннд хүрч байна. Гол төлөв Бээжин, Шаньдүн, Фүжянь зэрэг муж хотуудаас сонгино, лууван, улаан лооль, гадил, жүрж, алим зэрэг бүтээгдэхүүнийг авчирдаг. Үүний зэрэгцээ ОХУ-аас Байгал нуурын ундны ус, Оросын гурил, наран цэцгийн тос, Монгол Улсаас махны бүтээгдэхүүн импортолдог гэж Эрээн хотын Хао Ган компанийн ажилтан Жан Юйчэн ярилаа.

Эрээн хотын Хуань Юй олон улсын логистикийн хүрээлэнд том том хүнд оврын ачааны машинууд жигдрэн, хөл хөдөлгөөн ихтэй байлаа. Тус хүрээлэн нь үйл ажиллагаа явуулж эхэлснээс хойш давхардсан тоогоор 460 мянга гаруй машинаар нийт 1.8 сая гаруй тонн ачаа барааг хилээр гаргасан байна. 2023 оны 01-ээс 09 дүгээр саруудад тус хүрээлэнгээр дамжуулан нийт 1.2 сая тонн бараа бүтээгдэхүүнийг экспортолсон бол энэ нь өнгөрсөн жилүүдийн хувьд хамгийн өндөр үзүүлэлт болжээ.

- “Бүс ба зам” санаачилгыг дурдсанаас хойш манай хүрээлэнд 300 шахам аж ахуйн нэгжүүд бүртгүүлэн, өдөр тутмын ачаа тээврийн хэмжээ 6000 гаруй тоннд хүрэх болсон. Хилээр гаргах бараа нь ихэвчлэн барилгын материал, гэр ахуйн хэрэгсэл, машин механизм, тоног төхөөрөмж, бизнесийн зориулалттай тээврийн хэрэгсэл зэрэг бүтээгдэхүүн байдаг ба Монгол Улс, ОХУ-д борлуулдаг гэж Эрээн хотын Хуань Юй компанийн захирал Гао Индүн танилцууллаа.

Эрээн боомт нь олон жилийн турш бүс нутгийн давуу талаа түшиглэн Монгол, Орос зэрэг хойд хөрш орнуудтай эдийн засаг, худалдааны солилцоо, хамтын ажиллагааг хөгжүүлэн, Хятадын умард зүгт нээлттэй хаалгыг илүү том, илүү хөгжингүй болгож байна.