Зүүн баруун Тай Пиншань уул бие бие рүүгээ харна. Түүний дунд сүр жавхлантай боомт газар гарсан нь өнөөдрийн Да Жинмэнь хаалга юм. Түүхийн хүнд хэцүү цаг үеийн гэрч болсон, он цагийн уртад сүндэрлэсээр ирсэн Да Жинмэн хаалганы хажуугийн шатаар өгсөн хаалганы дээрх цамхагт гарч, нүдээ анив. Хаалгаар өнгөрөх тэмээн жингийн хонх нэгэн хэмээр дуугарах шиг болов...

Чин гүрний үеэс эхлэн Да Жинмэнь хаалганы дотно гадна унаа хөсөг хөглөрч, Монголын тал хээрийн болон Европын мал, ноос, эмийн материал, мөнгөн эдлэл зэргийг  Да Жинмэнь хаалганд авчирч, торго, цай, шаазан, элсэн чихэрээр сольдог байжээ. Хятадын өмнө нутгаас ирсэн эд бараа Түмэн газрын урт цагаан хэрмээс умард зүгт Орос, Монголын худалдааны замд нэвтрэхэд яах аргагүй Да Жинмэнь хаалгаар өнгөрдөг байв. Тухайн үеэс Да Жинмэнь хаалганаас эхэлсэн Жанкү их зам（Жанчхүү-Эрээн-Их Хүрээ хүрэх）бий болж, Да Жинмэн хаалга байрлах Жанчхүү хотын  эдийн засгийн хөгжил дээд цэгтээ хүрч, 1909 онд Чин улсын Засгийн газар Хятадын анхны практик төмөр зам болох Бээжин-Жанчхүүгийн төмөр замыг барьж байгуулжээ. Ингээд ярихад Да Жинмэн хаалга нь Мин, Чин гүрний үеэс хойших Хятадын хойд хэсгийн түүхэн гэрч болно.

     Жанчхүү хотыг гадаадынхан Хаалган (Khaalgan) гэж нэрлэх болсон нь бас учиртай. Олон улсын худалдааны үүд хаала болж тухайн үедээ ид цэцэглэж хүчээ авч байсан Да Жинмэнь хаалга өнөөдөр ч өөрийн гэсэн давтагдашгүй түүхийн үнэ цэнэ, дүр төрхөөрөө орон нутгийнхаа аялал жуулчлалыг хөгжүүлж, чамгүй их ашиг орлого оруулсаар байна. 2022 оны Өвлийн олимпыг Бээжин, Хаалган буюу Жанчхүү, Яньчин гэх гурван газарт хуваарилан зохион байгуулж, хүн төрөлхтний эв нэгдлийн бэлгэ тэмдэг Өвлийн олимпын бамбарыг Да Жинмэнь хаалганд буухиалж байсан түүхтэй.