Хятадын ГХЯ Хятад болон гадаадын хэвлэл мэдээллийнхэнд Хятад улсын дарга Ши Жиньпин Хятад, Латин Америкийн чуулга уулзалтын сайд нарын 04-р хурлын нээлтийн ёслолд оролцсон талаар 05-р сарын 11-ны өдөр мэдээлэл хийжээ.
Хятад, Латин Америк хоёр талын харилцан тохиролцсоны дагуу Хятад, Латин Америк, Карибын тэнгисийн хамтын нийгэмлэгийн чуулга уулзалтын сайд нарын 04-р хурал 05-р сарын 13-нд Бээжинд болж, Ши Жиньпин дарга хурлын нээлтэд оролцож, чухал илтгэл тавина.
Энэ удаагийн сайд нарын хурал нь "Хөгжил, сэргэн мандалтын асуудлыг хамтдаа хэлэлцэж, Хятад, Латин Америкийн хувь заяаны хамтын цогцыг байгуулъя" гэсэн сэдвийн дор зохиох болно.Дарга Ши Жиньпин хурлын нээлтийн ёслолд оролцож, чухал илтгэл тавьж, Хятад, Латин Америкийн харилцааны хөгжлийг дүгнэж,Хятад Латин Америкийн хувь заяаны хамтын цогцын чухал үзэл баримтлалын утга санаа, бодит ололт амжилт, өргөн хэтийн төлөвийг тайлбарлана. Хятад, Латин Америкийн харилцааг хөгжүүлэх шинэ санаачилга, арга хэмжээг санал болгож, Хятад, Латин Америкийн харилцааг хөгжүүлэх шинэ чиг хандлага, урт хугацааны хөгжлийн тухай тодорхойлох болно.
Мөн уг хурлаар шинжлэх ухаан, технологийн инновац, эдийн засаг худалдааны хөрөнгө оруулалт, хиймэл оюун ухаан,санхүү,дэд бүтэц,хөдөө аж ахуй,хүнс,аж үйлдвэр, мэдээллийн технологи, эрчим хүч, ашигт малтмал, "Бүс ба Зам"-ыг хамтран байгуулах зэрэг хамтын ажиллагааны тодорхой арга хэмжээг багтаасан үр дүнгийн хэд хэдэн баримт бичгийг баталж, Хятад, Латин Америкийн энх тайван, хөгжил, хамтын ажиллагааны тууштай байдлыг харуулахад зорилго тавих болно.
