Хятад улсын дарга Ши Жиньпин 05-р сарын 14-нд Жан-Люсьен Савви Де Товетой утсаар ярьж, Бүгд Найрамдах Того Улсын ерөнхийлөгчөөр сонгогдсонд нь баяр хүргэв. Мөн өдөр Хятад улсын дарга Ши Жиньпин Фауре Эссозимна Гнассингбетэй утсаар ярьж, Бүгд Найрамдах Того Улсын Сайд нарын Зөвлөлийн даргын албан тушаалд томилогдсонд нь баяр хүргэв.
Ши Жиньпин дарга:
- Хятад Того Улсын найрсаг харилцааг хоёр орны үе үеийн удирдагчид хамтран бүтээж, нягт нямбай хөгжүүлж ирсэн. Хагас зуун гаруй жилийн турш хоёр тал хэзээд чин сэтгэлийн найрамдал, эрх тэгш харилцан итгэлцэл, харилцан ашигтай хамтын ажиллагааг баримталж ирсэн. Бие биенийхээ гол ашиг сонирхол болон анхаарч буй томоохон асуудлаар харилцан тууштай дэмжиж, том, жижиг улс орнууд эрх тэгшээр харилцах болон дэлхийн өмнөд хэсгийн эв нэгдэл, хамтын ажиллагааны үлгэр жишээ болсон байна. Хятад, Африкийн хамтын ажиллагааны форумын 2024 оны Бээжингийн дээд хэмжээний уулзалтын үеэр Хятад, Того Улсын харилцаа иж бүрэн стратегийн түншлэлийн харилцаанд шилжсэн нь хоёр орны харилцаанд шинэ хуудас нээсэн юм. Би Хятад, Того Улсын харилцааны хөгжлийг дээд хэмжээнд чухалчилж байна. Того улсын удирдагчидтай хамтдаа хичээн зүтгэж, Хятад, Африкийн хамтын ажиллагааны форумын Бээжингийн дээд хэмжээний уулзалтын үр дүнг хэрэгжүүлэхээр боломж болгож, уламжлалт найрамдалт харилцаагаа үргэлжлүүлэн, олон салбарын хамтын ажиллагаагаа өргөжүүлж, хоёр улсын иж бүрэн стратегийн түншлэлийн харилцааны агуулгыг тасралтгүй баяжуулж, хоёр орны ард түмэнд илүү аз жаргал авчрахад бэлэн байна гэж хэллээ.
