МУИС-ын Баруун хэсгийн салбар сургуульд 09-р сарын 16-ны өдөр "Хятадын ном уншлагын танхим"-ын нээлт, ном хандивлах ёслол боллоо. Энэ бол "Хятадын ном уншлагын танхим" төслийн хүрээнд 7 дахь уншлагын танхим юм.
Хятадын ӨМӨЗО-ны хэвлэлийн групп нь уншлагын танхимд хятад хэлний, уламжлалт монгол хэлний, кирилл монгол хэлний 400 гаруй сайн чанарын ном нийлүүлсэн байна.
МУИС-ийн Баруун хэсгийн салбар сургуулийн дэд ерөнхийлөгч н.Батмөнх:
- "Хятадын ном уншлагын танхим" нь Монголын их, дээд сургуулийн оюутан залуучуудын Хятад улс, Хятадын соёлтой танилцах, мөн Хятад хэл сурах чухал талбар болж байна гэж хэлэв.
Мөн 2024 онд Монгол Улсын Амьдралын Шинжлэх Ухааны Их Сургуультай хамтран байгуулсан "Хятадын ном уншлагын танхим"-д ӨМӨЗО-ны хэвлэлийн группээс 110 ширхэг сайн чанарын ном хандивлаж, уншлагын танхимыг шинэчлэх ажилд ашигласан.
Энэхүү арга хэмжээ нь БНХАУ-аас Монгол Улсад суугаа Элчин сайдын газар, Монгол Улсын Соёл, спорт, аялал жуулчлал, залуучуудын яам, БНХАУ-ын ӨМӨЗО-ны Ардын засгийн газрын Мэдээллийн алба хамтран зохион байгуулж буй “Хятад орныг танин мэдэх” Өвөр Монголын XIII соёлын долоо хоногийн цуврал арга хэмжээний нэг хэсэг юм.
