SF Express нь 1993 онд БНХАУ-ын Шэньжэнь хотноо үүсгэн байгуулагдсан бөгөөд өнөөдөр дэлхийн 30 гаруй улс оронд салбараа нээж, шуудан, ложистикийн үйлчилгээ үзүүлдэг хувийн хэвшлийн тэргүүлэх компани юм.
SF Express-ын Монгол дахь салбар компани нь 2013 оноос албан ёсоор үйл ажиллагаа явуулж эхэлсэн билээ. Хятад улсаас Монгол улс руу бараа бүтээгдэхүүнийг түргэн шуурхай тээвэрлэж, e-commerce зах зээлийг тэлж, жижиг дунд бизнес, иргэдэд ложистикийн үйлчилгээ үзүүлж байна. Мөн Монгол улсаас Хятад болон бусад улс руу Олон улсын шуудан илгээмжийн үйл ажиллагаа явуулж байна. Монгол улсаас Европын 26 улс, Азийн 16 улс, Энэтхэг, АНУ, Канад, Мексик, Австрали зэрэг улс руу гараас гарт, хурдан шуурхай, найдвартай тээвэрлэж, сард 1000-2000 ширхэг шуудан илгээмж тогтмол илгээж байна.