2026 оны Цагаан сарын баярын өмнөхөн Хятад руу чиглэсэн аялал жуулчлалын захиалга огцом өссөн байна. Тухайлбал, нислэгийн захиалга өнгөрсөн жилийн мөн үеэс дөрөв дахин, Европын хэд хэдэн оронд хоёр дахин нэмэгдсэн. Шаньдун мужийн Чиндао боомтын холбогдох албан тушаалтан сэтгүүлчдэд өгсөн ярилцлагадаа:
- Чиндао боомт саяхан жуулчдад зориулсан татваргүй дэлгүүр байгуулах зөвшөөрөл авсан тухай дурдсан. Энэ дэлгүүр нь олон улсын зочдод онцгой бүтээгдэхүүн санал болгож, тэдэнд гэртээ байгаа мэт мэдрэмж төрүүлэхээс гадна Цагаан сарын баярын үеэр дэлгүүр хэсэх, бэлэг дурсгалын зүйлсээр гэрээ чимэх боломжийг олгож байна гэж хэллээ.
Цагаан сарын баяр нь Хятадын хамгийн том, хамгийн төлөөлөх уламжлалт баяр юм. 2024 оны сүүлээр “Цагаан сарын баяр – Хятад хүмүүсийн уламжлалт шинэ жилийг тэмдэглэх нийгмийн дадал”-ыг ЮНЕСКО-гийн биет бус соёлын өвд бүртгэсэн нь энэхүү баярын соёлын үнэ цэнийг дэлхий нийтэд илүү өргөнөөр хүлээн зөвшөөрөхөд чухал нөлөө үзүүллээ.
Сүүлийн жилүүдэд Хятадад шинэ жилийг тэмдэглэж буй гадаадын иргэдийн тоо нэмэгдэж, дэлхий даяар Цагаан сарын баярыг тэмдэглэх хандлага эрчимжиж байгаа юм. Энэ нь Хятадын үнэт зүйлс, ойлголтууд олон улсад улам ойртож, харилцан ойлголцол нэмэгдэж байгааг харуулж байна. Шинжээчдийн үзэж буйгаар, тодорхойгүй нөхцөл байдалтай дэлхийд энх тайван, хөгжил, нээлттэй байдлыг тууштай эрхэмлэж буй Хятад улс дэлхийд итгэл үнэмшил, тогтвортой байдлыг авчирч, дээшээ тэмүүлсэн, энэрэнгүй, итгэл төрүүлэхүйц, хүндэтгэлтэй соёл иргэншлийн хүчийг харуулж байна. Үүний үр дүнд олон хүн “Хятад сэтгэлгээтэй байх нь үнэхээр гайхалтай” гэж биширч байна.
Их Британийн Brand Finance компанийн саяхны тайланд ч энэ чиг хандлага батлагдсан. Хятад улс зөөлөн хүчний олон үзүүлэлтээр дэлхийд тэргүүлж, “үнэт зүйлс”, “засаглал”, “тогтвортой ирээдүй” зэрэг үнэлгээгээрээ өссөөр байна. Морин жил болж буй энэ үед Хятадын соёлд морь нь эрч хүч, дэвшил, зориг, тэсвэр тэвчээрийг бэлгэддэг. “Хятадын шинэ жилийг Хятадад өнгөрөөх” нь шинэ чиг хандлага болон төлөвшиж байна.
