Хоёрдугаар сарын 16-ны оройн 20:00 цагаас Хятадын Төв Радио Телевизийн “2026 оны Хаврын баярын гала тоглолт” уламжлал ёсоор үзэгчдийн хүртээл болсон юм.

Энэ жилийн тоглолт нь үндэсний соёлын өнгө аяс, орчин үеийн технологийн шийдэл, олон улсын хэв шинжийг уялдуулан нэгэн цогц “Хаврын аялгуу”-г бүрдүүлж, дэлхий даяарх хятад иргэд болон гадаадын найз нөхөдтэй хамт эв нэгдэл, баяр баясгалан, урам зориг дүүрэн Хятадын шинэ жилийг угтлаа.

Урьдчилсан дүнгээр хоёрдугаар сарын 16-ны 24:00 цагийн байдлаар гала тоглолтын бүх төрлийн медиа шууд дамжуулалт нийт 677 сая үзэгч, хэрэглэгчдэд хүрчээ. Шинэ медиа платформууд дахь шууд болон нөхөн үзэлтийн давтамж 13.5 тэрбумд хүрсэн байна.

Хятадын Төв Рдаио Телевизийн өөрийн аппликэйшнээр дамжуулсан шууд дамжуулалтын нийт үзэлт 578 саяд хүрч, өнгөрсөн оны мөн үеэс 53.39 саяар өсжээ. “Шинэ чанарын үйлдвэрлэлийн хүч”-тэй холбоотой агуулгын дурдагдсан хэмжээ нийт агуулгын 23.78 хувийг эзэлж, өнгөрсөн оны мөн үеэс 8.88 дахин нэмэгдсэн байна.

Залуусын үзэгчдийн дунд эзлэх хувь мөн нэмэгдэж, бүх медиагаар дамжсан шууд дамжуулалтын нийт хүрэлтийн 43.7 хувийг эзэлсэн нь өнгөрсөн оныхоос 10 хувиар өссөн үзүүлэлт юм.

Гадаад дахь нөлөө, хамрах хүрээ цаашид өргөжсөөр байна. Энэ удаагийн гала тоглолтыг гадаадын 4000 орчим хэвлэл мэдээллийн байгууллага дамжуулсан нь өмнөх оноос 37.95 хувиар өссөн үзүүлэлт боллоо. CCTV.com-ийн гадаад сошиал платформ дахь шууд дамжуулалтын видео үзэлт 87.29 саяд хүрч, өнгөрсөн оны мөн үеэс бараг 20 хувиар нэмэгдсэн байна.