3-р сарын 08-нд болсон XIV сонгуулийн БХАТИХ-ын Ⅳ чуулганы хэвлэл мэдээллийн төвийн мэдээлснээр, одоогийн байдлаар БХАТИХ-ын 34 төлөөлөгчдийн баг нээлттэй арга хэмжээ зохион байгуулж, Хятадын болон гадаадын 3000 гаруй сэтгүүлчид уг арга хэмжээг сурвалжилж мэдээлсэн байна.
Уг нээлттэй арга хэмжээ нь орон нутгийн төлөөлөгчдийн багийн хурал эсвэл багийн хэлэлцүүлэгт холбогдох зарим арга хэмжээг дотоодын болон гадаадын сэтгүүлчид сонсож болох бөгөөд мэдээлэх боломжтой юм. Үүний зэрэгцээ, арга хэмжээний дараа Бүх Хятадын Ардын Төлөөлөгчдийн Их Хурлын зарим буюу бүх төлөөлөгчдөөс ярилцлага авч болох болно. Энэ нь сэтгүүлчид төлөөлөгчид хуулийн дагуу үүргээ хэрхэн гүйцэтгэж байгаа болон Хятадын бүс нутгийн эдийн засаг, нийгмийн хөгжлийн талаар мэдээлэл авах чухал боломж олгосон юм.
Гуравдугаар сарын 06-нд Бээжин, Хэбэй, Ляонин болон бусад 23 мужийн төлөөлөгчдийн багийн нээлттэй үйл ажиллагааг урьдаар зохион байгуулав. 07-нд Гирин, Хармөрөн, Жянсү зэрэг есөн муж хот, 08-ны өдөр Хонконг, Тайванийн төлөөлөгчдийн багийн нээлттэй арга хэмжээг зохион байгуулсан байна.
Нээлттэй арга хэмжээний үеэр хиймэл оюун ухаан, технологийн инновац, дотоодын эрэлтийг өргөжүүлэх, бизнесийн орчныг оновчтой болгох, иргэдийн амьжиргааны түвшнийг сайжруулах зэрэг нь дотоод гадаадын сэтгүүлчдийн анхаарлын гол сэдэв болсон ажээ.
XIV сонгуулийн Бүх Хятадын Ардын Төлөөлөгчдийн Их Хурлын Ⅳ чуулганы хэвлэл мэдээллийн төвийн холбогдох ажилтан “ Энэ жилийн чуулганы үеэр хэвлэлийн бага хурал, товч мэдээлэл, "сайд нарын коридор" зохион байгуулахаас гадна Хятадын болон гадаадын сэтгүүлчдэд ярилцлага өгөх боломжийг нэмэгдүүлэхийн тулд төлөөлөгчдийн багийн нээлттэй арга хэмжээ зэрэг олон төрлийн үйл ажиллагааг зохион байгуулсан” гэж мэдэгдэв.
Гадаад дотоодын сэтгүүлчид уг нээлттэй арга хэмжээд оролцож, төлөөлөгчидтэй нүүр тулан уулзсанаар БХАТИХ-ын хурлын нээлттэй, ил тод байдлыг өндрөөр үнэлж, орон нутгийн эрчимтэй хөгжил, бүрэн ардчиллын үйл явцын талаар илүү ойлголттой болсон гэжээ.
