Хятад улсын дарга Ши Жиньпин 16-ны орой Италийн ерөнхий сайд Кунттай урилгаар утсаар ярилаа. Ши Жиньпин цохон тэмдэглэхдээ, хэдэн сарын хатуужилтай хичээл зүтгэлээр Хятадын хижигтэй тэмцэх ажилд идэвхтэй өөрчлөлт гарч, үе шатны чанартай үр бүтээлтэй болж, эдийн засаг нийгмийн хөгжил хурдтай сэргэж байна. Бид ямагт нэгэн хэмээр ажиллаж, хижгийг бүрмөсөн ялан давж, олон орны хижигтэй тэмцэх ажилд итгэл өгөх болно гэжээ.

Ши Жиньпин хэлэхдээ, Хятадын тал Италийн засгийн газрын хижигтэй тэмцэх арга хэмжээнүүдийг эрс дэмжиж, Итали хижгийг ялан давна гэдэгт итгэл дүүрэн байна. Хятадын тал Италийг бүх сэтгэлээрээ дэмжиж, эмчилгээний мэргэжилтний багаа илгээж, чадахын чинээгээрээ эмнэлгийн багаж хэрэгслээр тусалж байна. Хятадын тал Италийн талтай хамтаар хижигтэй тэмцэх олон улсын хамтын ажиллагааг эрчимжүүлж, эрүүл мэндийн торгоны зам байгуулахад хувь нэмрээ оруулахад бэлэн байна. Гар гараа холбон хижигтэй тэмцэхээр дамжин хоёр орны уламжлалт нөхөрлөл болон харилцан итгэлцэл цаашид гүнзгийрч, Хятад Италийн бүх талын хамтын ажиллагааны саруул уудам хэтийн төлөвийг бий болгоно гэдэгт эргэлзэхгүй байна гэжээ.

Кунт хэлэхдээ, Хятадын засгийн газар эрс шуурхай арга хэмжээ авч, хижгийг үр ашигтай тогтоон барьсан нь Италид асар их урам өгч байна. Мөн ч туршлага хангаж байна. Үүнд бид баяр хүргэж байна. Итали хүндрэл бэрхшээлтэй байхад нандин дэмжлэг үзүүлсэн Хятадын талд талархаж байна. Энэ нь хоёр ард түмний гүн зузаан найрамдлыг дахин гэрчилсэн юм. Би Италийн засгийн газар ард түмний өмнөөс Хятадын талд талархал илэрхийлж байна. Хижгийн дараа хоёр орны харилцаа улам баг бэх болно гэдэгт итгэж байна гэжээ.