Гадаад хэлний ном зохиол хэвлэх, түгээх хэрэг эрхлэх газар, БНХАУ-ын Орчуулгын судалгааны хүрээлэн болон БНХАУ-ын Орчуулагчдын нийгэмлэгээс хамтран хэрэгжүүлсэн улсын хэмжээний онцлох төсөл бөгөөд одоогоор гадаадын 14 хэлээр хэвлэгдэн нийтийн хүртээл болоод байна. Тус ном дарга Ши Жиньпиний шинэ эриний Хятадын онцлогтой социализмын үзэл санааг голлон онцолж, БНХАУ-ын “Нэг бүс-Нэг зам” санаачилга стратегийн бүтээн байгуулалтыг гол цөм болгон үзэж, хятад хэлний тусгай үгс ашиглан эмхэтгэж, олон хэл дээр тайлбарлан орчуулж, хэвлэмэл болон нийгмийн сүлжээ зэрэг хэвлэл мэдээллийн олон суваг хэлбэрээр гадаадын уншигчдад амар хялбар байдлаар хүргэхэд чиглэсэн байна. Хятадын хөгжлийн бодлого болон үзэл санаа, Хятадын төрийн бодлого болон хөгжлийн зорилгын талаар зөв цэгцтэй ойлголт өгч, тайлбарлан таниулахад гол зорилго нь оршино. Монгол Улсын уншигчдад “Нэг бүс-Нэг зам” санаачилга болон Монгол Улсын “Хөгжлийн зам” хөтөлбөртэй уялдаж буй байдлын талаар иж бүрэн, нийтлэг ойлголт өгөх зорилгоор БНХАУ-ын Гадаад хэлний ном зохиол хэвлэх, түгээх хэрэг эрхлэх газрын зөвшөөрлөөр БНХАУ-ын ӨМӨЗОны Ардын Засгийн газрын хэвлэл мэдээллийн алба Монгол Улсын холбогдох талуудтай хамтран «Хятадыг ойлгох түлхүүр үгс: “Нэг бүс - Нэг зам” санаачилга» номыг орчуулан кирилл бичгээр хэвлэн гаргаж байна. Өргөн уншигчид та бүхэн энэ бүтээлийг маань сонирхон уншихын ялдамд алдаа мадаг байх аваас үнэт санал, залруулгыг бид хичээнгүйлэн хүлээн
авах болно.