07-р сарын 28-нд болсон ээлжит хэвлэлийн бага хурлын үеэр Хятадын Экологи, Байгаль орчны яамны албан тушаалтан Хятадын агаарын чанар тогтвортой сайжирч, гадаргын усны чанар оны эхний хагаст ерөнхийдөө тогтвортой хэвээр байгааг мэдээлэв.

Оны эхний хагаст Хятадын 339 хотын PM2.5-ийн дундаж агууламж куб метрт 29.9 микрограмм байсан нь өмнөх оны мөн үеэс 6.6 хувиар буурсан үзүүлэлт юм. Агаарын чанар сайн эсвэл маш сайн өдрийн эзлэх хувь дунджаар 82.8 хувиар өссөн нь өмнөх оны мөн үеэс 4.5 хувиар дээшилсэн бол, бохирдол ихтэй буюу түүнээс муу өдрийн эзлэх хувь дунджаар 1 хувь байгаа нь өмнөх оны мөн үеэс 0.5 хувиар буурсан байна.

Гадаргын усны хувьд Хятадын I-III зэрэглэлийн стандартыг хангасан усны нөөцийн эзлэх хувь 87.4 хувьд хүрч, өмнөх оны мөн үеэс 3 хувиар өссөн байна. Хяналтад хамрагдсан 145 гол нуурын усан сангийн 75.9 хувь нь I-III зэрэглэлийн стандартыг хангасан байх нь өмнөх оны мөн үеэс 3.5 хувиар өссөн үзүүлэлт юм.