Японы эсрэг Хятадын ард түмний дайн эхэлсний 89 жилийн ойг тохиолдуулан Японы армийн 731 дүгээр ангийн үйлдсэн гэмт хэргийг нотлох баримтын музей олон нийтэд "Квантуны армийн химийн хэлтсийн хувийн мэдүүлгийн маягт"-ыг нийтэллээ.
Квантуны армийн химийн хэлтэс нь 1939 онд Хармөрөн мужийн Цицихар хотод байгуулагдсан бөгөөд Хятад руу довтлох үеэр Японы арми химийн зэвсгийг судлах, хэрэглэх ажлыг голлон хариуцаж, Японы химийн дайны гол нэгжүүдийн нэг байв.
"Хувийн мэдүүлгийн маягт" нь дайны дараа Японы армийн 516 дугаар ангийн гишүүд Японд буцаж ирснийхээ дараа бөглөдөг "Хувийн үнэмлэхийн мэдээллийн бүртгэлийн маягт" бөгөөд мөн Японы засгийн газрын хадгалдаг чухал цэргийн бүртгэлийн архив юм.
Японы армийн 731 дүгээр ангийн үйлдсэн гэмт хэргийг нотлох баримтын музейн эрхлэгч Жинь Чэнминь:
- "Хувийн мэдүүлгийн маягт" нь Японы армийн 516 дугаар ангийн цар хүрээ, бүтэц, зохион байгуулалттай гэмт хэрэг, бие бүрэлдэхүүний хөдөлгөөн, дайны дараах замыг цогцоор нь ойлгоход чухал нотолгоо болсон бөгөөд Хятад руу довтлох үеэр Японы үйлдсэн химийн дайны гэмт хэргийг бүрэн илчлэхэд практик ач холбогдолтой гэж хэллээ.
