Урт замын аян дайны зориг санаа дахь ард түмний байр суурь нь шинэ эрин үед улс орныг удирдан жолоодох үйлсэд гүн гүнзгий бөгөөд мөнхийн үнэ цэнийг агуулж байна. Урт замын аян дайны үед нам болон Улаан арми ард түмэнтэйгээ зовлон жаргалаа, цаашлаад амь нас, үхэл хагацалаа ч хуваалцаж байв. Яг энэхүү мах цусны холбоо нь туйлын хүнд хэцүү нөхцөл байдлын дунд  ХКН-д шавхагдашгүй их хүч чадлыг өгч байсан юм. Урт замын аян дайны ялалт нь Намын үндэс суурь, амин судас, хүч чадал бүхэн ард түмнээс эхтэйг тодхон харууллаа.

   
ХКН-ын Төв хорооны Ерөнхий нарийн бичгийн дарга Ши Жиньпин: "Төр улс бол ард түмэн, ард түмэн бол төр улс өөрөө мөн. Төрийг байгуулахад ч, төрийг жолоодоход ч ард түмний итгэл сэтгэл, дэмжлэгийг баталгаажуулах нь юунаас ч чухал" хэмээн онцолжээ. Ард түмэнтэйгээ жаргал зовлонгоо хуваалцаж, хувь заяагаар холбогдохын зэрэгцээ, амь эрсэдсэн тэмцлийн дунд ч хамтдаа байж чадсан Урт замын аян дайны зориг санаа нь ХКН-ын мөн чанар, зорилго, анхдагч эрхэм үүргийг тод томруун илэрхийлдэг. Энэ нь шинэ эрин үед "ард түмнийг дээдлэх" зарчмыг баримтлахын хамгийн гүн гүнзгий оюун санааны үндэс суурь болж өгдөг юм.
 
Өнөөдөр ард түмний амьдралын түвшин эрс дээшилж, ашиг сонирхлын бүтэц гүн гүнзгий өөрчлөгдсөн хэдий ч энэхүү алдар цуут түүхэн уламжлалыг өвлөн үргэлжлүүлэх нь нэн чухал юм. Энэ нь намын гишүүд, удирдах албан тушаалтнуудад эрх мэдлийнх нь эх ундарга болон эцсийн зорилгыг ямагт сануулж байх үүрэгтэй. Мөн шинэ эрин үед намын “олон нийтийн чиг шугам”-ыг тууштай хэрэгжүүлж, иргэдийн тулгамдсан, хүндрэлтэй, нэн чухал асуудлуудыг шийдвэрлэхэд анхаарлаа хандуулах, нам ба олон нийтийн үзэл бодол, үйл ажиллагааны нэгдлийг хангахад чиглүүлдэг. Ингэснээр хүчирхэг улсыг цогцлоон байгуулах, үндэстний сэргэн мандалтыг биелүүлэх агуу үйл хэрэгт хамгийн өргөн хүрээний, найдвартай бөгөөд тууштай дэмжлэгийг нэгтгэн дайчлах бат бөх суурь болох юм.