БНХАУ-ын Худалдааны яамны Үйлчилгээний худалдааны газрын холбогдох албан тушаалтан 2026 оны 1–9 дүгээр сарын үйлчилгээний худалдааны хөгжлийн байдлыг танилцуулав.

2026 оны 1–9 дүгээр саруудад БНХАУ-ын үйлчилгээний импорт, экспортын нийт хэмжээ 5,768.77 тэрбум юаньд хүрч, өмнөх оны мөн үеэс 8.5 хувиар өссөн байна. Үүнээс экспорт 2,271.4 тэрбум юань болж, 14.8 хувиар өссөн бол импорт 3,497.37 тэрбум юань болж, 4.8 хувиар нэмэгджээ. Үйлчилгээний худалдааны алдагдал 1,225.97 тэрбум юань болж, өмнөх оны мөн үеэс 13.266 тэрбум юаниар буурсан байна.Үндсэндээ дараах онцлог үзүүлэлтүүд ажиглагдав.

Тээврийн үйлчилгээний импорт, экспортын өсөлтийн хурд тэргүүлэв.1–9 дүгээр сард тээврийн үйлчилгээний импорт, экспортын нийт хэмжээ 1,281.72 тэрбум юаньд хүрч, 33.9 хувиар өссөн нь үйлчилгээний салбарууд дундаа өсөлтийн хурдаар нэгдүгээрт жагссан бөгөөд худалдааны хэмжээгээрээ аялал жуулчлалын үйлчилгээ болон бусад бизнесийн үйлчилгээний дараа оржээ. Үүнээс тээврийн үйлчилгээний экспорт 482.32 тэрбум юань болж, 29.4 хувиар өссөн бол импорт 799.4 тэрбум юань болж, 36.8 хувиар нэмэгдсэн байна.

Мэдлэгт суурилсан үйлчилгээний экспорт харьцангуй хурдацтай өсөв.1–9 дүгээр сард мэдлэгт суурилсан үйлчилгээний импорт, экспортын нийт хэмжээ 2,532.17 тэрбум юаньд хүрч, 7.4 хувиар өссөн бөгөөд үйлчилгээний импорт, экспортын нийт үнийн дүнгийн 43.9 хувийг эзэлжээ.

 
Мэдлэгт суурилсан үйлчилгээний экспорт 1,219.9 тэрбум юань болж, 11.7 хувиар өссөн бөгөөд үйлчилгээний экспортын нийт үнийн дүнгийн 53.7 хувийг эзэлсэн байна. Үүнээс хувь хүний соёл, зугаа цэнгэлийн үйлчилгээ болон даатгал, тэтгэврийн үйлчилгээний экспорт хамгийн өндөр өсөлттэй байж, тус тус 69.1 болон 50.3 хувиар нэмэгджээ. Мэдлэгт суурилсан үйлчилгээний импорт 1,312.27 тэрбум юаньд хүрч, 3.7 хувиар өссөн бөгөөд үйлчилгээний импортын нийт үнийн дүнгийн 37.5 хувийг эзэлсэн байна.