11-р сарын 4-ний өдөр Жэжян мужийн Үжэнь хотод зохион байгуулагдсан 2026 оны Дэлхийн интернэтийн бага хурлын “Интернэтийн гэрэл” үзэсгэлэнгийн “SaiBOT — Биет хэлбэртэй хиймэл оюун ухааны үзүүлэн” хэсэгт олон хүн цугларч, хөл хөдөлгөөн ихтэй байлаа.

Энд хиймэл оюун ухааны том загваруудын танин мэдэхүйн үндсэн мэдээллийн нэгж болох хийсвэр токенууд роботын гараа өргөх, цохиур далайх, хөгжим тоглох, эд зүйл ангилах, бараа хүргэх зэрэг үйлдлүүдийг гүйцэтгэх ухаалаг шийдвэр гаргалтын бүхэл бүтэн үйл явцыг дэмжиж байна. Ногоон эрчим хүчнээс тооцоолох хүчин чадалд, улмаар хиймэл оюун ухааны боловсруулалтаар дамжин роботын хөдөлгөөн болон хувирдаг энэхүү цогц үйл явц бодит дүр төрхөө олжээ.

 
Энэхүү үйл явцын чухал эх үүсвэрүүдийн нэг нь мянга гаруй километрийн алсад орших Өвөр Монгол юм. Хятад улсын “Зүүн бүсийн өгөгдлийг баруун бүсэд тооцоолох” үндэсний стратегийн зангилаа төвүүдийн нэг болох Өвөр Монгол салхи, нарны эрчим хүчийг ногоон цахилгаан болгон хувиргаж, Улаанцав болон Хорингэрийн ухаалаг тооцооллын кластерт ойроос нийлүүлэн, тооцоолох хүчин чадал болгон хувиргаж байна. Улсын хэмжээнд нэгдсэн тооцооллын хүчин чадлын сүлжээний тусламжтайгаар энэхүү нөөц нь уул ус, газар нутгийг дамнан, Хөх мөрний гурвалжин хойг зэрэг бүс нутгийн том хэмжээний хиймэл оюун ухааны загваруудыг сургах, дүгнэлт боловсруулахад дэмжлэг үзүүлж байна.