БНХАУ-ын Өвөр Монголын Өөртөө Засах Орны Улаан загалмайн байгууллага, Монголын Улаан загалмай нийгэмлэг хоорондын хамтын ажиллагааны хүрээнд 2018 оны 05 дугаар сараас "Бүс ба Зам – Гэрэлт аялал" төслийн Монгол Улс дахь аяллын арга хэмжээг хэрэгжүүлж ирсэн бөгөөд энэ хугацаанд нийт 3000 гаруй хүнд нүдний болор солих хагалгааны үзлэг хийсэн байна. Хил дамнасан "Гэрэлт аялал" нь Хятад, Монголын ард түмний харилцан ойлголцлын хамгийн сэтгэл хөдөлгөм гэрч болсон юм.

Нүдний болор цайх өвчин нь 50-иас дээш насныханд, өндөр настнуудад элбэг тохиолддог. Нүдний өвчин нь Монголын дунд болон ахимаг насны олон малчныг зовоож буй асуудал байсаар ирсэн. Эмнэлгийн нөөц хязгаарлагдмал, салхитай, тоос шороотой, хэт ягаан туяа хүчтэй бүс нутагт олон ахмад настан олон жилийн турш нүдний болор цайх өвчнөөр шаналж байдаг. Тэд хараа бүрэлзэхээс болж хөдөлгөөн нь хязгаарлагдах, малаа хариулах боломжгүй болох, хүүхэд, ач зээгээ асарч чадахгүй болох зэрэг нь тэдний энгийн амьдралд хүнд асуудал үүсгэдэг. Хятадын "Гэрэлт аялал" эмнэлгийн баг эмнэлгийн тоног төхөөрөмж авч Улаанбаатар хот болон хөдөө орон нутагт очиж, үнэ төлбөргүй үзлэг, мэс засал хийж, мэс заслын дараах нөхөн сэргээх зөвлөгөө өгдөг. "Өвчингүй бол жаргал, өргүй бол баян" гэдэг монгол ардын хэлц үг бий. Долоон зуу гаруй хүний нүдийг нээж, хорвоогийн нар харуулснаар долоон зуу гаруй гэр бүлд баяр жаргал авчирлаа. Энэ нь хүмүүст бодит ашиг тус хүртээж буй сайхан сэтгэлийн үйлс юм.

Том хэмжээний дэд бүтцийн төслүүд болон эрдэс баялгийн худалдааны хамтын ажиллагаанаас ялгаатай нь "Гэрэлт аялал" нь нарийн хэрнээ иргэдийн сэтгэлд хүрдэг буяны үйлс юм. Улс орнуудын хоорондын нөхөрлөл нь зөвхөн дипломат уулзалт, томоохон худалдааны хэлэлцээрүүдэд төдийгүй энгийн хүмүүсийн сайн сайхан байдал, аз жаргалд ч ашиг тусаа хүртээдэг. Хүмүүсийн амьжиргаанд суурилсан энэхүү олон нийтийн сайн сайхны санаачилга нь газарзүйн саад бэрхшээл, хэвшмэл ойлголтыг арилгаж, хөдөө орон нутгийн хүмүүст хөршүүдийнхээ дулааныг үнэхээр мэдрэх боломжийг олгодог.

Хоёр талын харилцааны тогтвортой, урт хугацааны хөгжлийн үндэс суурь нь иргэд хоорондын холбоо юм. Өнөөдөр "Гэрэлт аялал" төсөл нь нэг удаагийн, богино хугацааны буяны арга хэмжээ биш болж, харин тогтмол зохион байгуулагддаг иргэд хоорондын хамтын ажиллагааны төсөл болсон. Эмнэлгийн ажилтнууд хэсэг хэсгээрээ Монгол Улсад очиж, орон нутгийн анагаах ухаан, сувилахуйн сургалт явуулж, нүдний оношилгоо, эмчилгээний аргуудыг хуваалцаж байна. Өвчтөнийг эмчлэхээс эхлээд Монголын эмнэлгийн чадавхыг сайжруулахад тусалж, хөдөө орон нутгийн хүмүүсийн нүдний эрүүл мэндийг урт хугацаанд хамгаалахад дэмжлэг үзүүлж байна.

Эрүүл энхийн элчүүд эв нэгдэлтэй хөршийн замыг гэрэлтүүлж байна. Хичнээн мянган хос нүд нь Хятад, Монголын хоорондох гүн гүнзгий нөхөрлөлийг гэрчилж байна. Хятад, Монгол хоёр улс бие биедээ тусалж, дэмждэг сайн хөршүүд юм. Ирээдүйд хоёр орон ард түмний амьжиргааны салбарын хамтын ажиллагаагаа гүнзгийрүүлж, эмнэлгийн тусламж үйлчилгээ, боловсрол, соёл, аялал жуулчлалын чиглэлээр халуун дотно харилцаагаар дамжуулан нөхөрлөлийн гүүрийг зузаатгах болно.