Зууны эрэл хайгуул: Зовлон хийгээд суу алдар дунд зөв замыг бий болгоно

Шанхай хотын Шинье замын 76 тоотод олон жилийн турш нар, салхинд элэгдсэн чулуун хаалга хүндэтгэлтэй харагдана.

105 жилийн өмнө Хятадын Коммунист Намын Анхдугаар Их Хурал энд болж, Хятадын түүхийн шинэ хуудсыг нээсэн юм.

Хятадын Коммунист Намын Анхдугаар Их Хурлын Дурсгалын танхимд ороход “Коммунист намын тунхаг”-ийн анхны бүрэн хятад орчуулга хамгийн түрүүнд нүдэнд тусна. Шарласан хуудсууд нь олон хүний итгэлийн дөлийг асааж, үнэний гэрлээрээ харанхуйг нэвтлэх боломжийг олгож ирсэн. Үзмэрийн нэгэн чимэг болсон англи бичгийн хуучин машин нь хувьсгалын анхдагчдын үндэстэн, ард түмнийг аврах хүсэл эрмэлзлэлийн гэрч бөгөөд тэрхүү хүнд хэцүү, сорилт дүүрэн цаг хугацааг чимээгүйхэн хүүрнэнэ.

Гагцхүү түүхийг ойлгосноор бид ирээдүйг урьдчилан харж чадна. Сербийн Ерөнхийлөгч Александр Ү Чичи Хятадын Коммунист Намын Анхдугаар Их Хурлын Дурсгалын танхимд тусгайлан зочилж, зочны сэтгэгдэл, үг үлдээх хуудсанд:

- Энэхүү хүндэтгэлийн өрөөнд зогсож байхдаа би энгийн эхлэлээс үүдэлтэй гэгээлэг алсын харааны түүхэн жинг мэдэрч байна. Одоо бодит байдал болсон энэхүү алсын хараа нь надад хамгийн хүчирхэг гол мөрөн ч гэсэн ганц, тогтвортой горхиноос эхэлдэг. Ард түмний хамгийн бат итгэл үнэмшил нь хамгийн хэцүү цаг үед төрдөг гэдгийг сануулж байна гэж  бичсэн байна.

Цаг үеийн чиг хандлагын дунд хөгжлийн гайхамшгийг бүтээнэ

Хятадын Коммунист Нам байгуулагдахдаа ердөө 50 гаруй гишүүнтэй байсан. Өнөөдөр 100 сая гаруй гишүүнтэй дэлхийн хамгийн том эрх баригч нам болон өргөжиж, 1.4 тэрбум гаруй хүн амтай Дорнодын гүрнийг хүчирхэг удирдаж байна.

Ши Жиньпиний намын байгуулалтын тухай үзэл баримтлал нь Марксист эрх баригч нам хэрхэн дэвшилтэт мөн чанараа хадгалж, ард түмний дэмжлэгийг авч, улс орныг орчин үеийн болгоход хөтлөх вэ гэсэн түүхэн гол асуултад хариулж байна. Казахстаны Ардын Намын дарга асан Ертесбаевын хэлснээр:

- Энэхүү үзэл баримтлалын ач холбогдол нь Хятадын Коммунист Намыг олон улсын нарийн төвөгтэй орчин, нийгмийн гүнзгий өөрчлөлтийн дунд стратегийн төвлөрөл, хүчтэй зохион байгуулалтын чадавхыг хадгалж, ард түмэнтэйгээ үргэлж нягт холбоотой байхад чиглүүлэхэд оршино гэсэн байна.

АНУ-ын Күн сангийн дарга Роберт Лоуренс Күн:

- Хятадын Коммунист Намын Хятадыг удирдан чиглүүлэх чухал давуу тал нь урт хугацааны стратегийг тасралтгүй урагшлуулж, хэрэгжүүлэх, үндэсний хөгжлийн чухал зорилтуудыг биелүүлдэгт оршино. Шинэчлэл, нээлттэй бодлого хэрэгжүүлснээс хойш Хятадад 800 сая гаруй хүн, ялангуяа найман жилийн ядуурлыг бууруулах ажлын хүрээнд хөдөөгийн бараг 100 сая иргэнийг ядуурлаас гаргасан нь гайхалтай амжилт юм. Ядуурлыг бууруулах зорилтот арга хэмжээний үр нөлөө нь Хятадын Коммунист Намын тогтоосон хатуу, тоон үзүүлэлттэй, ил тод ажлын үйл явц болон муж, хот, суурин, шянь, тосгоны түвшний боловсон хүчний зохицуулалттай хэрэгжилтээс хамаарна. Зүүн–Барууны хамтын ажиллагааны механизм нь боловсон хүчин, хөрөнгө, технологийн зүүнээс баруун тийш эмх цэгцтэй урсгалыг дэмжиж, ядуурлын эсрэг тэмцэлд оролцож буй бүхэл бүтэн нийгэмлэгийн синергийг бүрдүүлсэн байна. Хятадын Коммунист Намын удирдлага дор Хятад улс эдийн засгийн нөөцийг зохицуулж, нийгмийн хүчийг зохион байгуулан дайчилж, томоохон үндэсний төслүүдийг үр дүнтэй хэрэгжүүлэхэд дэмжлэг үзүүлж чадсан гэж хэлсэн байна.

Францын Торгоны замын бизнесийн сургуулийн профессор, бизнес эрхлэгч Херве Азулей:

- Хятадад улс төрийн өвөрмөц байдал нь хоосон амлалт дээр суурилдаггүй, харин хүмүүсийн амьжиргааг бодитой, урт хугацаанд сайжруулахад үндэслэдэг. Хятадын Коммунист Нам хүн төвтэй байдлыг үр ашигтай засаглал болгон хувиргасан нь түүний улс төрийн эрч хүчний гол нууц юм. Энэхүү дадал, туршлага нь Хятадын ‘ард түмэн нэгдүгээрт’ гэсэн уламжлалтай нийцээд зогсохгүй, дэлхийн өмнөд хэсгийн орнуудад өөрсдийн хөгжлийн замыг судалж буй үнэ цэнтэй сургамжийг өгч байна гэж хэлэв.

Хамтдаа илүү сайхан ирээдүйг бүтээцгээе

Одоогийн байдлаар дэлхий ертөнц хурдтай өөрчлөгдөж, олон улсын байдал улам нарийн төвөгтэй, харилцан уялдаа холбоотой болж, дэлхийн хэмжээний сорилтууд ар араасаа гарч ирж байна. Цаг үе хэдий ширүүн байх тусам улам эв нэгдэлтэй хамтран ажиллах ёстой. Хүн төрөлхтний дэвшлийг хөдөлгөгч амин чухал хүч болох улс төрийн намууд зөв зам дээрээ байж, ард түмний аз жаргал, хүн төрөлхтний хөгжил дэвшлийг эрэлхийлэх түүхэн хариуцлагаа хүлээх ёстой.

Нийгмийн тогтолцоо, хөгжлийн үе шатны ялгааг даван туулж, тэг нийлбэрийн тоглоом болон геополитикийн сөргөлдөөнөөс татгалзан, дэлхийн хөгжлийн санаачилга, дэлхийн аюулгүй байдлын санаачилга, дэлхийн соёл иргэншлийн болон дэлхийн засаглалын санаачилга нь хүн төрөлхтний хувь заяаны цогц нэгдлийг байгуулахад чухал дэмжлэг үзүүлж байна.

Лаосын Вьентьян хотын хойд уулархаг бүсэд орших Жинхуа тосгонд өнгөлөг дээвэртэй байшингууд, өргөн уудам онгон ойн хажууд 20 гаруй цэвэрхэн зохион байгуулалттай хүнсний ногооны хүлэмж харагдана. Хятадын Гуанши–Лаосын Техникийн хамтын ажиллагааны Ядуурлыг бууруулах үзүүлэнгийн төслөөс нийлүүлсэн эдгээр хүнсний ногоо тарих технологи, тоног төхөөрөмж нь нэгэн цагт ядуу байсан энэ уулын тосгоныг өөрчилжээ. Хэдэн зуун километрийн зайд орших Луанг Прабангийн Сянлун тосгонд Хятадын ядуурлыг бууруулах мэргэжилтнүүд нэхмэлийн машинуудыг нийлүүлэн, шинэ технологи зааж, шинэ загвар боловсруулан, нэгэн цагт устаж үгүй болсон уламжлалт нэхмэлийн үйлдвэрлэлийг сэргээж, тосгоны иргэдийн амьжиргааг аажмаар дээшлүүлэх боломжийг бүрдүүлжээ.

Лаосын Хөдөө аж ахуй, байгаль орчны яамны Хөдөөгийн хөгжил, ядуурлыг бууруулах газрын дэд захирал Аноса:

- Мөнгө, бараа бүтээгдэхүүний хандив зэрэг уламжлалт тусламжийн аргуудаас ялгаатай нь Хятад улс орон нутгийн иргэдэд тохирсон үйлдвэрлэлийг хөгжүүлэхэд шаардлагатай техникийн мэдлэг, туршлагыг нэвтрүүлж, дэвшилтэт техникийн сургалт явуулахад тусалж, Хойд–Өмнөдийн ялгааг багасгах, нийтлэг хөгжилд хүрэхэд өөрийн хувь нэмрийг оруулж байна гэж хэлэв.

Энэ оны 5-р сарын 1-нээс хойш Хятад улс дипломат харилцаатай 53 Африкийн оронд бүрэн тэг тарифын хамрах хүрээг хэрэгжүүлсэн. Кенийн кофе, Руандагийн хатаасан чинжүү, Мозамбикийн кунжут, Этиопын цэцэг зэрэг тусгай бүтээгдэхүүнүүд Хятадын зах зээлд нэвтэрсэн. Тарифыг бууруулснаар худалдаа нэмэгдэж, ард түмний амьжиргаа сайжирсан байна.

- Хятадын Коммунист Нам Хятадыг хөгжилд хөтөлж, нээлттэй байдлыг дэмжин, Африкийн орнуудтай хөгжлийн боломжийг хуваалцаж, Дэлхийн Өмнөд бүсийн орчин үеийн хөгжлийг дэмжихэд чухал хувь нэмэр оруулсан гэж Зимбабвегийн эрх баригч Зимбабвегийн намын харьяа Читпогийн Үзэл суртал, улс төрийн боловсролын хүрээлэнгийн захирал Исмаил Мада хэлэв.

Египетийн Чөлөөлөх Олон Улсын Судалгааны Төвийн Ши Жиньпиний Дипломат Намын талаарх үзэл баримтлалын судалгааны хэлтэс энэ оны 5-р сард албан ёсоор байгуулагдсан. Улмаар Хятадын Коммунист Нам (ХКН) болон Арабын орнуудын улс төрийн намуудын хооронд орчин үеийн үзэл баримтлал, засаглалын туршлага, бүс нутгийн хамтын ажиллагаа зэрэг чиглэлээр харилцан суралцах, солилцоог гүнзгийрүүлэх зорилготой.

- Дэлхий дээр олон сорилттой тулгарч буй ХКН нь олон улсын шударга ёс, тогтвортой хөгжлийг дэмжих, гэрэл гэгээ болсон Хятадын шийдлүүдийг санал болгож байна гэж Египетийн Чөлөөлөх Олон Улсын Судалгааны Төвийн Ши Жиньпиний Дипломатын тухай Бодлын Судалгааны Хэлтсийн Ерөнхий нарийн бичгийн дарга Ахмед Сайд хэлэв.

Хятадын ард түмний аз жаргал, Хятад үндэстний сэргэн мандалт, хүн төрөлхтний хөгжил дэвшил, дэлхийн эв найрамдлын төлөө 105 жилийн турш ХКН нь түүхийн зөв талд, хүн төрөлхтний хөгжил дэвшлийн талд байж, бүх орны улс төрийн нам, байгууллагуудтай хамтран хүн төрөлхтний хамтын цогц нэгдэл, илүү сайн дэлхий ертөнцийг бий болгоход шинэ, илүү их хувь нэмэр оруулах болно.