Хятадын Төрийн зөвлөлийн ерөнхий сайд Ли Чян Дэлхийн эмэгтэйчүүдийн дээд хэмжээний чуулга уулзалтад оролцохоор Хятадад ирсэн Шри Ланкийн ерөнхий сайд Харини Амарасүриятай Бээжингийн Дяо Юйтай зочид буудалд 10-р сарын 13-ны үдээс хойш уулзав.

Ли Чян:

- Хятад, Шри Ланка хоёр орон уламжлалт гүн гүнзгий найрамдалтай. Дипломат харилцаа тогтоосноос хойших 68 жилийн хугацаанд хоёр орны харилцаа тогтвортой хөгжиж, хоёр талын хамтын ажиллагаа үр дүнтэй үр дүнд хүрч чадсан байна. Энэ оны 01-р сард ерөнхийлөгч Анура Кумара Дисанаяке Хятадад төрийн айлчлал хийж, Ши Жиньпин дарга түүнтэй чухал уулзалт хийж, хоёр орны харилцааг хөгжүүлэх стратегийн шинэ чиглэл өгсөн юм. Хятад улс Шри Ланкийг хөрш орнуудын дипломат харилцааны тэргүүн эгнээнд тавьж ирсэн бөгөөд Шри Ланкатай хамтран ажиллаж, уламжлалт найрамдалт харилцаагаа хөгжүүлж, харилцан ашигтай хамтын ажиллагаагаа гүнзгийрүүлэн, Хятад, Шри Ланкийн хувь заяаны хамтын цогцыг байгуулж, хоёр ард түмэнд илүү үр өгөөжөө өгөхийг хичээх болно гэж хэллээ.

Ли Чян5

- Хятад улс Шри Ланктай хөгжлийн стратегийн уялдаа холбоогоо эрчимжүүлж, "Бүс ба Зам"-ын өндөр чанартай хамтын бүтээн байгуулалтын хүрээнд хоёр талын худалдаа, хөрөнгө оруулалтын цар хүрээг цаашид өргөжүүлж, Коломбо боомт хот, Хамбантотагийн иж бүрэн бүтээн байгуулалт зэрэг гол төслүүдийг дэмжиж, ногоон хөгжил, дижитал эдийн засаг, далайн эдийн засаг, орчин үеийн хөдөө аж ахуй, бусад салбарт хамтын ажиллагаагаа өргөжүүлэн, үр өгөөжөө нэмэгдүүлэхийг хүсэж байна гэж хэллээ. Хятад улс Шри Ланкаас илүү чанартай бүтээгдэхүүн импортлоход бэлэн байгаа бөгөөд Хятадын чадварлаг компаниудыг Шри Ланкад хөрөнгө оруулахыг үргэлжлүүлэн дэмжих болно. Хоёр тал боловсрол, соёл, аялал жуулчлал, эмэгтэйчүүд, орон нутгийн салбар дахь солилцоо хамтын ажиллагаагаа гүнзгийрүүлэх ёстой. Хятад улс Шри Ланкатай хамтран дэлхийн засаглалын санаачилгыг хэрэгжүүлж, НҮБ болон бусад механизмын хүрээнд харилцаа холбоо, хамтын ажиллагаагаа эрчимжүүлэн, талуудыг жинхэнэ олон талт үзлийг хэрэгжүүлэхэд тус дөхөм үзүүлж, олон улсын шударга ёсыг хамгаалахад бэлэн байна гэдгээ илэрхийллээ.

Харини Амарасүръяа:

- Ши Жиньпин дарга Дэлхийн эмэгтэйчүүдийн дээд хэмжээний чуулга уулзалтад чухал илтгэл тавьсан нь дэлхийн эмэгтэйчүүдийн үйл хэргийг хөгжүүлэхэд тэргүүлэх үүрэг гүйцэтгэсэн юм. Шри Ланка үүнийг маш өндрөөр үнэлж байна. Шри Ланка, Хятад хоёр орон урт удаан хугацааны харилцаатай бөгөөд хоёр талын хамтын ажиллагааны үр дүнд хүрсэн юм. Шри Ланка нэг Хятадын зарчмыг тууштай дэмжиж, Тайвань, Төвд, Шиньжян бол Хятадын нутаг дэвсгэрийн салшгүй хэсэг гэж үздэг. Шри Ланкийн засгийн газар Хятад улстай тогтоосон харилцаагаа дээд хэмжээнд чухалчилж, Шри Ланкийн эдийн засаг, нийгмийн хөгжилд дэмжлэг үзүүлсэн Хятад улсад талархаж байна. Шри Ланка нь Ши Жиньпин даргын дэвшүүлсэн "Бүс ба Зам" санаачилга, дэлхийн засаглалын санаачилгыг тууштай дэмжиж, Хятад улстай бүх түвшинд харилцаа холбоогоо бэхжүүлж, хөрөнгө оруулалт, боомт, дэд бүтэц, хөдөө аж ахуй, нэхмэл эдлэл, ядуурлыг бууруулах, дижитал эдийн засаг болон бусад салбарт хамтын ажиллагаагаа гүнзгийрүүлж, залуучуудын боловсрол, олон талт хамтын ажиллагааг эрчимжүүлэн хөгжүүлэхийг хүсэж байна гэж хэллээ.