ХКН-ын Төв хорооны Улс төрийн товчооны байнгын хорооны гишүүн, Улс Төрөөр Зөвлөлдөх Зөвлөлийн Бүх Хятадын Хорооны дарга Ван Хүнин 2-р сарын 2-ны өдөр Бээжин хотод Оросын Либерал Ардчилсан Намын дарга Леонид Слуцкийн тэргүүлсэн төлөөлөгчидтэй уулзав.

Ван Хүнин хэлэхдээ, Ши Жиньпин дарга, Путин ерөнхийлөгч нарын удирдлага дор Хятад, Оросын харилцаа шинэ эрин үед өндөр түвшинд тогтвортой хөгжсөөр байна. Хятад улс Оростой хамтран хоёр орны төрийн тэргүүний тохиролцсон чухал нийтлэг ойлголтыг хэрэгжүүлж, стратегийн харилцан итгэлцлийг тасралтгүй бэхжүүлж, сайн хөршийн найрамдлыг гүнзгийрүүлж, ажил хэрэгч хамтын ажиллагааг эрчимжүүлж, нам хоорондын солилцоог эрчимжүүлж, хүн төрөлхтний хувь заяаны хамтын цогцыг байгуулахыг ахиулахад бэлэн байна. Хятадын Ардын Улс Төрийн Зөвлөлдөх Зөвлөл энэ зорилгод эерэг хувь нэмэр оруулахад бэлэн байна гэв.

Леонид Слуцк хэлэхдээ, Оросын Либерал Ардчилсан Нам Хятадын Коммунист Намтай солилцоогоо эрчимжүүлж, хоёр орны төрийн тэргүүний тохиролцсон чухал нийтлэг ойлголтыг хамтдаа хэрэгжүүлэхэд бэлэн байна. Бид нэг Хятадын зарчмыг тууштай баримталж, Орос, Хятадын засгийн газар, хууль тогтоох байгууллагуудын харилцааг гүнзгийрүүлэхийг дэмжиж, Шанхайн хамтын ажиллагааны байгууллага, БРИКС зэрэг олон талт механизмын зохицуулалт, хамтын ажиллагааг бэхжүүлж, Орос, Хятадын уламжлалт найрамдлыг бэхжүүлж, дэлхийн өмнөд хэсгийн орнуудын нийтлэг ашиг сонирхлыг хамгаална гэв.