Дундад улсын гадаад хэргийн яамны албан ёсны төлөөлөгч Лү Кан мэдээлснээр, Ши Жиньпин Орост айлчлахынхаа өмнө Казахстанд айлчлаад, дараа нь төрийн айлчлал хийхээр Москвагаас Беларусийг зорих аж.

    “Дундад улсын дарга Ши Жиньпин ОХУ-ын Ерөнхийлөгчийн урилгаар Аугаа эх орны дайны ялалтын 70 жилийн ойг тохиолдуулан тавдугаар сарын 8-10-ны хооронд Москва хотод зохион байгуулах баяр ёслолын арга хэмжээнд оролцож, мөн ОХУ-д айлчилна” гэж Дундад улсын Гадаад хэргийн яамны цахим хуудсанд байрлуулсан Лү Кан мэдээлэлд дурдаж байна.

    Дундад улсын удирдагч мөн 5 дугаар сарын 5-7-ны хооронд Казахстаны Ерөнхийлөгч Нурсултан Назарбаевын урилгаар тус улсад айлчлах бол 10-12-ны хооронд Беларусийн Ерөнхийлөгч Александр Лукашенкогийн урилгаар тус улсад төрийн айлчлал хийнэ.