Хятад улсын дарга Ши Жиньпин 11-р сарын 6-ны өдөр Самиа Сулуху Хассанд баярын захидал илгээж, Танзанийн Нэгдсэн Бүгд Найрамдах Улсын Ерөнхийлөгчийн албан тушаалд томилогдсонд нь баяр хүргэв.
Ши Жиньпин хэлэхдээ, Хятад, Танзани гүн гүнзгий уламжлалт найрамдалтай. Сүүлийн жилүүдэд хоёр талын харилцаа өндөр түвшинд хөгжиж, хоёр тал өөрсдийн үндсэн ашиг сонирхол болон анхаарал хандуулж буй гол асуудлаар бие биенээ дэмжиж ирсэн бөгөөд олон салбарын бодит хамтын ажиллагаа баялаг үр дүнд хүрсэн байна. Би Хятад, Танзанийн харилцааны хөгжлийг маш их чухалчилдаг, ерөнхийлөгч Самиа Сулуху Хассантай хамтдаа хичээн зүтгэж, Хятад, Африкийн хамтын ажиллагааны форумын Бээжингийн дээд хэмжээний уулзалтын үр дүнг сайтар хэрэгжүүлж, Хятад, Танзанийн бүх талын стратегийн хамтын ажиллагааны түншлэлийн харилцааг ахиулан, шинэ эриний Хятад, Африкийн хувь заяаны бүх нөхцөл байдалд тохиромжтой нэгдмэл цогц байгуулах талаар илүү их хувь нэмэр оруулахад бэлэн байна гэжээ.
