Есдүгээр сарын 10-ны 11:15 цагийн орчимд Шаньдүн мужийн Чиндао хот дахь Бэйхай усан онгоцны үйлдвэрт засварын ажил хийгдэж байсан гадаадын ачаа тээврийн хөлөг онгоцонд гал гарч, олон хүн эндэж бэртсэн ноцтой осол гарлаа.

Ослын талаар мэдээлэл авсны дараа Хятадын дээд удирдагч Ши Жиньпин уг асуудалд онцгой анхаарал хандуулж, чухал зааварчилгаа өгөв. Тэрээр Чиндао дахь Бэйхай усан онгоцны үйлдвэрт гарсан гал түймрийн улмаас олон хүн эндэж бэртсэн. Сураггүй болсон хүмүүсийг эрэн хайх, аврах ажлыг яаралтай зохион байгуулж, ослын дараах ажлуудыг зохих ёсоор авч, хохирогчдод тусламж үзүүлэн, ослын шалтгааныг шуурхай тогтоож, мөн холбогдох этгээдүүдэд хуулийн дагуу хатуу хариуцлага тооцохыг үүрэг болгов.

Ши Жиньпин бүх бүс нутаг, холбогдох байгууллагууд энэхүү ослоос гүн гүнзгий сургамж авч, гал түймрийн аюул эрсдэлийг илрүүлэн арилгах, урьдчилан сэргийлэх арга хэмжээг нямбай хэрэгжүүлж, томоохон болон гамшгийн хэмжээний ослоос эрс сэргийлэх, ард иргэдийн амь нас, эд хөрөнгийг үр дүнтэй хамгаалах шаардлагатайг онцлон тэмдэглэлээ.

ХКН-ын Төв Хорооны Улс төрийн товчооны Байнгын хорооны гишүүн, Төрийн зөвлөлийн Ерөнхий сайд Ли Чян осолд өртөж гацсан хүмүүсийг яаралтай эрэн хайж аврах, гэмтэж бэртсэн хүмүүсийг эмчлэхэд бүх хүчээ дайчлах, ослын дараах ажлыг зохих ёсоор гүйцэтгэх, хоёрдогч ослоос хатуу сэргийлэх зааварчилгаа өгөв.

Ши Жиньпиний өгсөн чухал зааварчилгаа болон Ли Чяны тавьсан шаардлагын дагуу Онцгой байдлын удирдлагын яамнаас ажлын хэсгийг ослын газар руу илгээж, удирдамж чиглэлээр хангаж байна.