Хятад, Монголын хэвлэл мэдээллийнхний хамтарсан сурвалжлагын баг 04-р сарын 25-ны өдөр Шааньси мужийн Ши-Ань хотын хэрмээр аяллаа.
МЭ 582 онд баригдсан Ши-Ань хотын хэрэм /өөрөөр хэлбэл, Сүй улсын эзэн хаан Кайхуангийн 2 дахь жил/ нь 1400 жилийн түүхтэй бөгөөд Тан гүрний хааны хотын үндсэн дээр өргөтгөгдсөн барилга болно. Энэ нь Хятадын хамгийн сайн хадгалагдан үлдсэн эртний хотын ханын барилга юм. Ши-Ань хотын хэрмийн урт нь 13.74 километр бөгөөд 18 хаалгатай.
Тухайлбал, хот хамгаалах гол, саатуулах гүүр, хаалганы цамхаг, цамхаг, хотын цамхаг зэрэг эртний архитектурын барилга байгууламжууд багтана. Энэ нь эртний нийслэл Чан-Ань хотын түүхт соёлыг үргэлжлүүлсээр байгаа бөгөөд улсын соёлын эд зүйлсийг хамгаалах гол нэгжүүдийн анхны багцад бүртгэгджээ.
"Ёслолын хаалга", "Соёлын хаалга" хэмээн алдаршсан Юннин хаалга нь урьд хожид дэлхийн 40 гаруй улс орны төрийн тэргүүн болон нэр хүндтэй зочдыг хүлээн авсан. 2018 онд Ши-Ань хотын хэрэм, хот хамгаалах гол нь үндэсний "5А" үзэсгэлэнт газар, үндэсний "Усан ашиглалтын үзэсгэлэнт газар"-аар үнэлэгдсэн байна. 2021 онд Ши-Ань хотын хэрэм үзэмжийн бааз нь үндэсний түвшний шөнийн соёл, аялал жуулчлалын хэрэглээний кластеруудын эхний багцын жагсаалтад бүртгэгдсэн байна.
