Өнөөдөр буюу 09-р сарын 07-нд Хятадын (Ниншя муж) 2 дахь удаагийн олон улсын дарсны соёл, аялал жуулчлалын үзэсгэлэн Яргай хотод нээгдлээ. Энэхүү үзэсгэлэнг Ниншя Хотон Үндэстний Цөөнхийн Өөртөө Засах Орны Ардын засгийн газар, Хятадын Хөдөө аж ахуй, хөдөө тосгоны яам, Соёл, аялал жуулчлалын яам, Хятадын Гадаад улстай найрамдлын нийгэмлэг хамтран зохион байгуулж байна. Уг үзэсгэлэн нь дарсны олон улсын тэмцээн, соёлын аялал жуулчлалын форум, үзэсгэлэн худалдаа зэрэг 7 арга хэмжээг зохион байгуулж, олон улсын хүмүүсийг гайхшируулах Ниншя дарсыг танилцуулахад зорилго тавьсан юм.

   Мэдээллийн дагуу үзэсгэлэнгийн үеэр Хятад, гадаадын дарсны соёлын солилцоо, хамтын ажиллагааг голчлон, олон улсын болон мэргэжлийн цуврал арга хэмжээ зохион байгуулна. Хятадын брэнд бүтээн байгуулалтыг сурталчлах нийгэмлэг 2022 оны Хулан уулын брэндийн үнэ цэнийг гаргах болно. Үүнээс гадна зохион байгуулах хороо Брюсселийн олон улсын дарсны шагнал гардуулах ёслолыг зохион байгуулах хороонд хариуцуулсан бөгөөд олон улсын нэр хүндтэй тэмцээнүүдийн стандартын дагуу Ниншя Хулан уулын зүүн бэлийн олон улсын дарсны 2-р уралдааныг зохион байгуулна. Одоогоор 16 орны 43 үйлдвэрлэдэг бүс нутгаас 797 зүйлийн дарс цуглуулсан нь анхны үзэсгэлэнд цуглуулсан дарсны дээжээс 1/4 дахин их байна.