Хөххотын нийтийн тээврийн ерөний компани халдварт өвчнөөс урьдчилан сэргийлэхийн зэрэгцээ автобус зорчуулах ажлыг 02-р сарын 24-нд эмх цэгцтэйгээр сэргээн эхлүүлж байна. Мөн ойрын хугацаанд хот дүүргийн гол гол замуудын 30 автобусыг дараа дарааллаар нь ажиллуулах болно.

Тодруулбал, автобус бүрт жолоочоос гадна бас нэгэн ажилтан тохируулж, холбогдох ажлыг гүйцэтгэх болно. Зорчигчид биеийн температурын шинжилгээ хийлгэж, иргэний үнэмлэхээ харуулан, холбогдох мэдээллийг үнэн зөвөөр бүртгүүлж, амны хаалт зүүж, зорчигчид хоорондоо зохих зай барьж суух юм байна.