04-р сарын 02-ны өдөр Төрийн Зөвлөлийн ерөнхий сайд Ли Кэчян цар тахлаас урьдчилан сэргийлэх төвийн удирдагчдын бүлгийн хурлыг даргалан хуралдуулжээ. Уг хурлаар цар тахлын гадаад дотоодод гарсан шинэ хувиралтад чиглүүлэн, тахлаас урьдчилан сэргийлэх ажилд тайвширч болохгүй. Халдварт өвчнөөс урьдчилан сэргийлэх ажлыг бэхжүүлж, халдварт өвчнөөс урьдчилан сэргийлэх, хянах нэгдсэн арга хэмжээг сайжруулах хэрэгтэй. Тахлын холбоотой мэдээллийг олон нийтэд ил тод, нээлттэй байдлаар түгээх хэрэгтэй. Шинжлэх ухааны үндэслэлтэй, урьдчилан сэргийлэх, хянахаас гадна үйлдвэрлэлийг дахин эхлүүлэхийг эрч хүчтэй, эмх цэгцтэй болгох хэрэгтэй гэж онцолжээ.

Энэ хурлаар Хятад улс олон тооны хилийн боомттой. Цар тахал дэлхийн хэмжээнд тархалт хурдацтай тархаж байгаатай холбогдуулан хилийн боомтоор өвчин зөөвөрлөгдөн орж ирэхээс урьдчилан сэргийлэх ажлыг улам бүр сайжруулах шаардлагатай байна. Хүмүүсийн шаардлагагүй хил дамнасан хөдөлгөөнийг багасган, хил орчмын гол нэвтрэх замуудад хяналт шалгалтыг эрчимжүүлэн, халдвараас урьдчилан сэргийлэх чиглэлээр хөрш орнуудтайгаа хамтарч сайн ажиллах хэрэгтэйг онцолжээ.

Зах, цэцэрлэгт хүрээлэн, бусад олон нийтийн газар хэвийн үйл ажиллагаа явуулж, үйлдвэрлэл, амьдралын дэг журмыг бүрэн сэргээхэд дэмжлэг үзүүлж, их хэмжээний цугларах үйл ажиллагаанд хатуу хяналт тавих хэрэгтэй. Ахмад настан, оюутнууд, жирэмсэн эмэгтэйчүүд гэх мэт гол бүлгүүдийн хамгаалалтыг бэхжүүлэх хэрэгтэй гэж хуралд онцолжээ.