Хятадад тулгарч буй шинэ аюул бол өвчний халдвар гадны улс орноос орж ирэх явдал юм. Өнөөдөр Хятад бол дэлхий дээрх хамгийн аюулгүй газруудын нэг гэж хэлэх нь хэтрүүлэг биш юм. Одоо олон хүн Хятад улс тархалтыг хэрхэн хурдан, үр дүнтэй хориглосон болохыг мэдэхийг хүсч байна. Хятадын туршлагад дараах зүйлийг багтаасан болно.

Нэг. Хятад улс өөрийгөө тусгаарлах 14 хоногийн тодорхой урьдчилан сэргийлэх, хянах стратеги боловсруулсан. Хорио цээрийн хэлбэр нь тухайн бүс нутгаасаа хамаарч өөр өөр байдаг. Жишээлбэл, дэгдэлтийн төв болох Хүбэй мужид хорио цээрийн дэглэмүүд нь илүү хатуу байдаг. Заавал хязгаарлалт тавьдаггүй газруудад хүмүүс ухамсартайгаар гэртээ үлдэж, гаднах хүмүүстэй харьцахаа багасгадаг.

Хоёр. Нарийн оношлогоо, цогц хяналт. Хүний халдвар авсан эсвэл эдгэрсэн эсэх оношыг батлахын тулд хэд хэдэн удаагийн шинжилгээ шаардлагатай болно. Хятад улс халдвар авсан бүх хүмүүст хатуу хяналт тавьж, халдвар авсан хүмүүстэй ойртсон хүмүүсийг тусгаарлаж байхыг хичээдэг.

Гурав. Мэдээллийг олон нийтэд нээлттэй болгож, айдсыг арилгадаг. Цар тахал үүссэний дараа Хятад улсын орон нутгийн засаг захиргаа өдөр бүр орон нутгийн халдварын тухай мэдээллийг мэдээлдэг. Гар утасны аппликейшн нь өдөр бүр бүрэн статистик мэдээллийг өгдөг. Хэн, хэзээ, хаана, яаж халдвар авсан зэрэг дэлгэрэнгүй мэдээллийг авах боломжтой. Нэмж хэлэхэд, цар тахлын эхний шатанд халдвар авсан бүх өвчтнүүдийг үнэ төлбөргүй эмчилнэ гэж Засгийн газар мэдэгдсэн бөгөөд энэхүү арга хэмжээ эмнэлгийн тусламжийг дэмжихэд чухал үүрэг гүйцэтгэсэн байна.

Дөрөв. Амны хаалт зүүх. Энэ асуудал өрнөдийн орнуудад маргаан дэгдээгээд байгаа юм. Хятад улсад цар тахал үүссэн эхний үед иргэд амны хаалт зүүхийг хамгийн чухал арга гэж үзэж байсан. Энэ нь вирус тархахаас урьдчилан сэргийлэх хамгийн энгийн үр дүнтэй арга юм.