Олон орны хүмүүс Хятадад тархсан халдварын эсрэг туршлагаасаа хуваалцаж байгаа нь тархалтыг даван туулах итгэлийг бэхжүүлсэн гэж үзэж, Хятад улсын туршлагаас суралцаж, тахлын эсрэг олон улсын хамтын ажиллагааг бэхжүүлнэ гэж найдаж байна.

Хэдхэн хоногийн өмнө Венесуэлийн засгийн газар Хятадын тахлын эсрэг анагаах ухааны мэргэжилтнүүдийн багийн гишүүдэд "Франциско де Миранда" хоёрдугаар зэрэглэлийн медалиа гардуулж, Хятадын тахлын эсрэг анагаах ухааны мэргэжилтнүүдийн баг амжилттай туршлагаасаа хуваалцаж байсанд талархал илэрхийлэв.

Венесуэлийн дэд ерөнхийлөгч Делси Родригес: Хятадын нэр хүнд бүхий анагаах ухааны мэргэжилтнүүдийн ба тахлын эсрэг тэмцлийн туршлага, мэдлэгээ бидэнтэй хуваалцлаа. Энэхүү медаль нь Венесуэлийн ард түмний мэргэжилтнүүдийн багийн ажилд өгсөн талархал, хайрыг илэрхийлж байна.

Пакистаны Гадаад хэргийн сайд Куреши Пакистаны тахал гарсны дараа Пакистанд хүчтэй дэмжлэг үзүүлсэнд Хятад улсад талархал илэрхийлээд, хамтын ажиллагааны замаар тахлыг аль болох хурдан даван туулах болно гэж найдаж байгаагаа илэрхийлэв.

Туркийн Эрүүл мэндийн дэд сайдын орлогч Эминай Месси нь Турк, Хятад хоёр улсын хооронд халдварт өвчинтэй тэмцэх чиглэлээр олон улсын хамтын ажиллагааны талаар өндөр үнэлгээ өгч, Хятад улсын туршлагаас хуваалцах нь тахлыг даван туулах Туркийн итгэлийг бэхжүүлсэн гэж үзэж байна.

Орос, Өмнөд Африк болон бусад орны хүмүүс Хятад улсын тахлын хяналтын арга хэмжээ үр өгөөжтэй гэж үзэж, халдварт өвчинтэй тэмцэх туршлагаа хуваалцсанд Хятад улсад талархал илэрхийлэв.

Оросын Төрийн зөвлөлийн тахлын эсрэг ажлын хэсгийн ахлагч, хотын дарга Собянин: Олон улсын туршлага цар тахлын эсрэг тэмцэхэд маш чухал юм, Үхань хот болон Хятад улсын туршлагын ачаар Москва одоо олон тал дээр юу хийхээ сайн мэдэж байна. Эдгээр үнэ цэнэтэй туршлага туйлын чухал юм.

Өмнөд Африкийн Баруун Кейпийн их сургуулийн вирус судлалын лабораторийн мэргэжилтэн Ди Уард: Энэ тахлын эсрэг тэмцэлд Хятадын оруулсан хувь нэмрийг бид мартах ёсгүй гэж бодож байна. Хятад удахгүй коронавирусний геномын дарааллын талаарх шинэ мэдээллийг дэлхий даяар хуваалцах болно. Өвчтөнүүдийг оношлоход энэ хувь нэмэр их байна.