Хөвчийн олон улсын цөлжилттэй тэмцэх X форум 09-р сарын 16-нд Ордос хотноо нээгдэв. Хоёр өдөр үргэлжлэх энэхүү форум нь “Цөлжилтийг шинжлэх ухааны үндэслэлтэй хянах, ногоон хөгжил” уриан дор болж байна. Хуралдаанаас дэвшүүлсэн сэдвүүдийн дагуу цөлжилтийг шинжлэх ухааны үндэслэлтэй хянах, түүнтэй тэмцэх, бэлчээрийг хамгаалах, тогтвортой менежмент, газарт ээлтэй бизнесийг хөгжүүлэх, олон улсын хамтын нийгэмлэгийн нийтлэг ойлголтыг бий болгох, улс орнуудын солилцоо, хамтын ажиллагааг бэхжүүлэх, НҮБ-ын 2030 оны тогтвортой хөгжлийн хөтөлбөрийг хэрэгжүүлэхэд тус дөхөм үзүүлэх, хүн төрөлхтний хувь заяаны нэгдмэл цогцыг бүтээхэд шинэ хувь нэмэр оруулах зэрэг халуун сэдвүүдийг хэлэлцэж байна. Гадаад дотоодын мэргэжилтэн, эрдэмтэн судлаачид нийт 260 гаруй хүн оролцож байна.

Хөвчийн олон улсын цөлжилттэй тэмцэх форум нь цөлжилтөөс урьдчилан сэргийлэх, хянах зорилготой дэлхийн цорын ганц томоохон хэмжээний олон улсын форум юм. 2007 онд зохион байгуулагдсан цагаасаа хойш 9 удаа дараалан амжилттай зохион байгуулагдаж байна. Өнгөрсөн 18 жилийн хугацаанд уг форум нь "Олон улсын хамтын нийгэмлэг хамтран ажиллаж, элсэн цөлийг хүн төрөлхтөнд үр өгөөжтэй болгоно" зэрэг чухал нийтлэг ойлголтод хүрч, "Саудын Агабын арван тэрбум мод бутны суулгацын төсөл, гурван хэмжээст фотоволтайкийн элсэн цөлийн хяналтын төсөл" зэрэг олон улсын хамтын ажиллагааны төслүүд нь мод тарих технологийн загваруудыг сурталчилж байна. Уг форум нь Хятад улсын цөлжилтөөс урьдчилан сэргийлэх, түүнтэй тэмцэх үр дүнг олон улсын солилцоо, хамтын ажиллагаатай хослуулан харуулах, “Бүс ба Зам” санаачилгыг хөгжүүлэх чухал цонх, тавцан болж байна.