Хятад улсын дарга Ши Жиньпиний гэргий Пэн Ли-Юань өмнөхөн Хятадын Гадаадтай найрсгаар харилцах нийгэмлэгийн зохион байгуулсан 2025 оны “Гүлиний нөхөрлөл” хэмээх Хятад, Америкийн хүүхэд, залуучуудын найрамдлын үйл ажиллагаанд оролцон илтгэл тавив.

Пэн Ли-Юань гадаад, дотоодын зочид төлөөлөгчидтэй хамт “Гүлиний нөхөрлөл” хэмээх Хятад, Америкийн хүүхэд, залуучуудын найрал дууны долоо хоногийн арга хэмжээний видео бичлэгийг үзэж сонирхлоо. Америкийн “Гүлиний нөхөрлөл” арга хэмжээг үүсгэн байгуулагч Элин Мак Иннис, Айова муж улсын төлөөлөл Лука Бейлон нар Гүлиний тухай дурсамж болон Хятад, Америкийн иргэдийн солилцоо, орон нутаг хоорондын хамтын ажиллагааны үйл явдлуудаас хуваалцаж, Ши Жиньпин дарга Хятад, Америкийн залуучуудад анхаарал хандуулан халамжилж ирсэнд баяр талархлаа илэрхийлж, хоёр орны найрамдлын төлөө үргэлжлүүлэн хүчээ өргөхөд бэлэн байна гэж хэллээ.

Пэн Ли-Юань илтгэлдээ:

Зуун жилийн тэртээх Гүлиний түүхэн дурсамж, Ши Жиньпин дарга болон Айова муж улсын хуучин найзын 40 жилийн гүн зузаан нөхөрлөл нь Хятад, Америкийн ард түмний найрамдлыг бүрэн харуулж байна.

Ши Жиньпин дарга “Ирэх таван жилд Америкийн 50 мянган залуу хүүхэд, залуучуудыг Хятадад солилцоо хийж суралцахыг урих” санаачилга дэвшүүлсэн нэг жилийн турш Америкийн олон залуус урилгаар Хятад улсад айлчилсан юм.

Хятад, Америкийн найрамдлыг уламжлагч, энх тайван, эв нэгдлийг дэмжигч болон, Хятад, Америкийн найрамдлын гүүрийг байгуулан, хоёр орны саруул ирээдүйд залуу эрч хүчээ нэмэрлэнэ гэдэгт найдаж байна гэдгээ илэрхийллээ.