Япон улсын нийслэл Токиогийн их сургуулийн судлаачдын баг саяхан өндгөвчний үйл ажиллагааг урьдчилан таамаглах хиймэл оюун ухаан буюу AI загварыг амжилттай бүтээсэн тухай мэдээллээ. Ингэснээр эмнэлгийн зөвлөгөөний мэдээлэл, бага хэмжээний цус цуглуулах замаар эмэгтэйчүүдийн өндгөвчний үйл ажиллагааг урьдчилан таамаглах бөгөөд жирэмслэлтэд бэлтгэх, үргүйдлийн эмчилгээнд дэмжлэг үзүүлэх боломжтой болох юм байна.

Өндгөвчний үйл ажиллагааны доройтол нь үргүйдлийн гол шалтгаануудын нэг юм. Мюллерийн эсрэг дааврын шинжилгээг одоогоор эмэгтэйчүүдийн өндгөвчний нөөцийн үйл ажиллагааг үнэлэх, үлдсэн уутанцрын тоог тусгахад өргөн хэрэглэгддэг.

Токиогийн их сургууль болон бусад байгууллагын судлаачдын боловсруулсан хиймэл оюун ухааны загвар нь нас, сарын тэмдгийн мөчлөг гэх зэрэг эмнэлгийн зөвлөгөөний мэдээлэл, бага хэмжээний цус цуглуулсан цусны шинжилгээний мэдээлэлд дүн шинжилгээ хийснээр уутанцрын тоо, чанарыг нэгэн зэрэг таамаглах боломжтой. Уутанцрын тоог урьдчилан таамаглах талаарх нарийвчлал нь Мюллерийн эсрэг дааврын шинжилгээнээс оновчтой байдаг. Энэхүү AI загвар нь анх удаа уутанцрын чанарыг урьдчилан таамаглаж байгаа бөгөөд тус салбарын эмнэлзүйн үнэлгээний аргын шинэ амжилтыг нээсэн байна.